मत्ती 9:33 - जिरेल

³³ येशूकी थे ल्‍हन्‍डीक तेन्‍गीन ताङनामेकी थे मिकी बात खिताला स्‍यूसुङ। थोक थोङगीन थेरू ओताते मिओन छक्‍क परे खिन “ओहो, दोक्‍ते अचम्‍बते कामनी थातासाक ङुरूङ इस्राएल लुङबादु सुङगीङ खिता थोङा मेत,” सिन सिराला स्‍यूसुङ।

मत्ती 9:33 ပူးပေါင်းရင်းမြစ်များ

मत्ती 8:10

थेकी थोक सिरजीन येशूला आउदी अचम्‍ब लासुङ। थेमे थे खोरोङ तिङ ङ्याकीन ख्‍याम्‍बा ओताते मिओनला “लो तो, दि छेत ङाला विश्‍वास खित्‍कान्‍ते मिनी ङे ख्‍योकोन इस्राएली नाङोङ थातासाक सुङ थोङा मेत।

मत्ती 9:32

थे मि ङिबो थेरूई फिला थेन्‍दाईताङ मिज्‍यीकला टीकीन कोई कोई मि येशू ओत्‍सादु ख्‍योल्‍सुङ। थे मिचेन ल्‍हन्‍डीक खोकीन बातराङ खिता मुथुप्‍च्‍या गालाई ओतान।

मर्कूस 2:12

थेकी थोक सानामेकी गाङेकी थोङच्‍या खाईन थे कुज्‍ये खोक लासुङ। थेमे थे खोरोङ खोन्‍च्‍या दिङच्‍या खुरगीन खाम्‍बापा गाल्‍सुङ। थोक ओङा थोङनामेई मि गाङेराङ छक्‍क परे खिन “आबिई, दोक्‍ते अचम्‍बते कामनी थातासाक ङुरूङगी नोमुङ थोङा मेतान,” सिन परमेश्‍वरते जय जय खासुङ।

लूका 11:14

बाजिई येशूकी मिज्‍यीकदुकी ल्‍हन्‍डीक तेन्‍गीन ताङसुङ। ल्‍हन्‍डीक खोबेकी खित्‍सादु थे मि बात खिता मुथुप्‍च्‍या गाला ओतान। थेकी ल्‍हन्‍डीक तेन्‍गीन ताङनामेकी थे मि बात खिता थुप्‍च्‍या गाल्‍सुङ। थोक अचम्‍ब ओङा थोङगीन थेरू ओताते मिओन छक्‍क परे खासुङ।

लूका 7:9

थे लोन थोजीन थेला आउदी अचम्‍ब लासुङ। थेमे थेकी थे खोरोङताङ तिङ ङ्याकीन ख्‍याम्‍बाते मि हूलनापाला ग्‍युरगीन “लो तो, ङाला थे क्‍याप्‍टेनगी छेत विश्‍वास खित्‍कान्‍ते मिनी ङे थातासाक ख्‍योकोन इस्राएली नाङोङ सुङ थोङा मेत,” सिन सिदुक।