मत्ती 9:27 - जिरेल

²⁷ थेमे येशू थे खाम्‍बादुई ख्‍याम्‍सुङ। थेरूकी ख्‍याम्‍नामेई लामला अन्‍ध मेन्‍दा ङिकी “ए प्रभु, दाऊद गेल्‍बो सन्‍तान, ङ्योकोन दुक्‍पा थोङला नाङ,” सिन छेरा खिनकामा थे तिङ ङ्यासुङ।

मत्ती 9:27 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 15:22

थेमे ठाउँज्‍यीक्‍तु चुक ओङसुङा सासीन थेङलाराङ देत्‍कान्‍ते कनानीमाज्‍यीक थे खादु वाकीन ङुइनकामा “ए प्रभु, दाऊद गेल्‍बो सन्‍तान, ङे दुक्‍पा थोङला नाङ। ङे फुमुला ल्‍हन्‍डीक खोबेकी थे ल्‍हन्‍डीककी आउदी दुक्‍पा तेरगीदुक। थेदुकी थे ल्‍हन्‍डीक तेन्‍ला नाङ,” सिन सिदुक।

मत्ती 17:15

“प्रभु, ङे फुज्‍युङ दुक्‍पा थोङला नाङ। थेला जा लाङगीदुक। दोक ईन्‍देकी थे याङ याङ छ्युला, मेला जतासुकैपा फाल देइदुक। थेला आउदी दुक्‍पा ओङगीदुक।

मत्ती 20:29

थोक खाला डुइन डुइनला येशूताङ थे चेलातेबा यरीहो सार योल्‍ला ड्वा खाईन सिन्‍दा खाबा ओतान। थेबे तिरी तिरी आउदी काल्‍बेई मि ख्‍याम्‍बा ओतान।

मत्ती 21:15

थेकी थोक अचम्‍बते काम खिता थोङगीन थेमे थेङला मन्‍दिर नाङला ओताते फिजाओनगी “दाऊद सन्‍तानते जय जय ओङस्‍यीत,” सिन छेरा खिन थेला थोक खाईन मान खाबा थोङजीन छ्ये छ्ये पूजारीताङ धर्मे गुरूओनला स्‍येदाङगी मे बारसुङ।

मत्ती 21:9

थेमे थे गोमाङ तिरीङ ख्‍याम्‍गीन ओताते मिओनगी छेरा खिनकामा “दाऊद सन्‍तानते जय जय ओङस्‍यीत। प्रभु परमेश्‍वरगी देमा ताङाते गेल्‍बो काल्‍बासाक सोन्‍स्‍यीत। थेते जय जय ओङस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

मत्ती 9:28

येशू थे खोरोङ देत्‍च्‍येते खाम्‍बे नाङने स्‍यूक्‍जीन थेबा ङिबोङ थे तिरी तिरी नाङनेराङ स्‍यूसुङ। थेमे थेकी “च्‍यि ङे ख्‍योकोन मिक थोङच्‍या ज्‍वा थुप्‍क्‍यो सिन ख्‍योकोन पत्ते खिओ?” सिरजीन थेबेकी “खिओ प्रभु, खुई थोक खिता थुप्‍क्‍यो,” सिन सिदुक।

मर्कूस 11:10

ङुरूङ ज्‍युज्‍यु गेल्‍बो दाऊद राज्‍य था याङराङ ङेत्‍च्‍या ओङसुङ। दि राज्‍य था नोमुङ मोतोरस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

मर्कूस 9:22

काल्‍बा च्‍योक्‍ते थेला मेताङ छ्युला लुक्‍ला सेता छोल्‍गीदुक। गुरू खुई ठाक्‍पा खिता थुप्‍सीन खुई दयेकी ठाक्‍पा खाला नाङ,” सिन सिदुक।

लूका 17:13

“ए गुरू येशू, ङ्योकोन दुक्‍पा थोङला ङ्योकोनला ठाक्‍पा खाला नाङ,” सिन छेरा खासुङ।

लूका 20:41

थेमे येशूकी थेरू ओताते मिओनला दि बात खिताला स्‍यूसुङ। थेकी च्‍यि सिका सासीन “परमेश्‍वरगी तोङगो साबाते ख्रीष्‍टला गेल्‍बो दाऊद सन्‍तान ईन सिन धर्मे गुरूओनगी चुक खाला सिरा थुप्‍कीते?

लूका 7:21

थे बेलाला येशूकी थरी थरी रोग लै खाईन नाबाते मिओनला ठाक्‍पा खिन ओतान, ल्‍हन्‍डीक खोबाते मिदुकी ल्‍हन्‍डीक उरला तोङगीन ओतान थेमे अन्‍धतेबा काल्‍बेईला मिगी थोङच्‍या जोबा ओतान।

यूहन्‍ना 7:42

च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।