मत्ती 9:22 - जिरेल

²² थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

मत्ती 9:22 ပူးပေါင်းရင်းမြစ်များ

मत्ती 15:28

थोक सानामेई थेकी “ङे खोरोङगी साबाच्‍योक पक्‍काराङ खिओ सिन ङाला विश्‍वास खाबेकीराङ ङे खुई खाला नाङ साबाच्‍योक खाबाप। खुई फुमु नाङदुकी ल्‍हन्‍डीक तेन्‍गीन ताङा ओत,” सिन सिदुक। येशूकी थोक सिरासात्तु थे फेम्‍मे मिते फुमुते दाक ठाक्‍पा ओतान।

मत्ती 17:18

थेमे येशूकी थे फिजाला खोबा ओताते जा लोङकान्‍ते ल्‍हन्‍डीकला थेदुकी थेन्‍ला ग्‍युक सिन कोत्‍जीन थे दाक थेन्‍गीन गाल्‍गीन थे फिजाङ तोक ठाक्‍सुङ।

मत्ती 8:13

मिओनला दोक सानामेई थेकी थे क्‍याप्‍टेनला “लो था खो खाँपा ग्‍युक, खुई ङाला विश्‍वास खाबा च्‍योकराङ ओङगो,” सिन सिदुक। थेकी थोक साबे बेलालाराङ थेते काम खित्‍कान्‍ते मि दाक ठाक्‍पा ओतान।

मत्ती 9:2

थेमे थेकी ठाक्‍पा खाला तेरस्‍यीत सिन कोई कोईकी ख्‍याम्‍बाराङ मुथुप्‍कानज्‍यीक कुज्‍येज्‍यीकला मालज्‍यामताङराङ डोलो खाईन खुरगीन थे ओत्‍सादु क्‍याल्‍सुङ। थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, था खो ज्‍यीबा माकेत। ङे खुई खाबाते पाप गाङे माफ खाबान,” सिन सिदुक।

मत्ती 9:29

थेबेकी थोक सानामेकी थेकी थेबे मिकला दोइनकामा “लो ओना, ख्‍योकोनगी ङाला विश्‍वास खाबा च्‍योकराङ ओङस्‍यीत,” सिन सिदुक।

मर्कूस 10:52

थेमे येशूकी थेला “लो लेमु खाला ग्‍युक। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक। थेकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थेङ येशूताङराङ ख्‍याम्‍सुङ।

मर्कूस 5:34

थेमे थेकी “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत। खुई बेथेकी था खोल्‍ला नोमुङ दुक्‍पा मेतेरो,” सिन सिदुक।

लूका 17:19

थेमे थेकी थे मिला “लो लाला था खोले खोले ग्‍युक। ङे खोल्‍ला ठाक्‍पा खिता थुप्‍क्‍यो सिन खुई ङाला विश्‍वास खाबेकी खो ठाक्‍पाते ईन,” सिन सासुङ।

लूका 18:42

थेमे येशूकी थेला “लो खुई थोङा थुप्‍स्‍यीत ओना। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक।

लूका 7:50

येशूकीचेन थेबे बातला नामज्‍योकराङ मेसेता खाईन थे फेम्‍मे मिला लोईन “खुई खोरोङ पाप ङे माफ खिता थुप्‍क्‍यो सिन विश्‍वास खाबेकी ङे खुई पाप गाङे माफ खाबा ओत। लो था खोले खोले ग्‍युक। थेमे लेमु खाला देत,” सिन सिदुक।

लूका 8:48

थेमे येशूकी थेला “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत,” सिन सिदुक।

यूहन्‍ना 4:53

येशूकी थे खोरोङला “खुई फुज्‍युङ सोन्‍ग्‍यो,” साबाते ठीक थे बेलालाराङ ईन सिन थेकी छ्या स्‍येसुङ। थोगी थे मि थेमे थे खाम्‍बादु ओताते गाङेकी येशूला विश्‍वास खासुङ।

शक्ति काम 14:9

थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

शक्ति काम 16:18

थे बातकामा खिन थे काल्‍बेई दिनसाक ङ्योकोन तिङ ङ्योइनराङ देत्‍सुङ। जहिलेङ थे थोककामा खिन ख्‍याम्‍जीन ङीमाई पावलगी स्‍येदाङ लाकीन ख्‍युर ग्‍युरगीन थे फेम्‍मे फिजाला खोबाते ल्‍हन्‍डीकला “ङा येशू ख्रीष्‍ट मिन लाला खोल्‍ला दि फिजादुकी थेन्‍ला ग्‍युक सिओ,” सिन सिदुक। थोक सिरासात्तु थे ल्‍हन्‍डीक दाक थे फेम्‍मे फिजाला ताङगीन गाल्‍सुङ।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।