मत्ती 9:2 - जिरेल

² थेमे थेकी ठाक्‍पा खाला तेरस्‍यीत सिन कोई कोईकी ख्‍याम्‍बाराङ मुथुप्‍कानज्‍यीक कुज्‍येज्‍यीकला मालज्‍यामताङराङ डोलो खाईन खुरगीन थे ओत्‍सादु क्‍याल्‍सुङ। थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, था खो ज्‍यीबा माकेत। ङे खुई खाबाते पाप गाङे माफ खाबान,” सिन सिदुक।

मत्ती 9:2 ပူးပေါင်းရင်းမြစ်များ

मत्ती 14:27

थेबा ज्‍यीबा खाबाते छ्या स्‍येकीन थेकी “ज्‍यीबा माकेत, ङाका ईन। छ्याःङ ज्‍यीबा खिता माफाबो,” सिन बात खासुङ।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

मत्ती 6:12

ङ्योकोनगी ङेराङला मेलेबा खित्‍कान्‍ते मिओनला माफ तेरा च्‍योकराङ खाला ङ्योकोनगी खाबाते पाप माफ नाङ।

मत्ती 8:10

थेकी थोक सिरजीन येशूला आउदी अचम्‍ब लासुङ। थेमे थे खोरोङ तिङ ङ्याकीन ख्‍याम्‍बा ओताते मिओनला “लो तो, दि छेत ङाला विश्‍वास खित्‍कान्‍ते मिनी ङे ख्‍योकोन इस्राएली नाङोङ थातासाक सुङ थोङा मेत।

मत्ती 8:16

थे छोमु नाम स्‍योनामेकी मिओनगी ल्‍हन्‍डीक स्‍यिन्‍डीप खोबाते मि काल्‍बेई येशू ओत्‍सादु क्‍याल्‍सुङ। थेमे थेकी मिओनला खोबाते ल्‍हन्‍डीकओनला थेन्‍ला ग्‍युक सिनकामा तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। थोकराङ खाईन थेरू खुलाबाते नाबाते ज्‍येन मिलाङ थेकी गाङेला ठाक्‍पा खासुङ।

मत्ती 9:22

थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

मत्ती 9:5

ङे दि मि पाप माफ खाबान सिरजीन ख्‍योकोनला ङे खेकीकामा दोक साबाच्‍योक ओङसुङ मेन? च्‍यि ङे दिला लाला ख्‍याम ज्‍युताचेन मुथुबो साबाप?

मत्ती 9:6

परमेश्‍वर ओत्‍सादुई वाबाते मि ङात्ताङ मिओन पाप माफ खित्‍च्‍येते अधिकार ओत सिन ङा था ख्‍योकोनला कामगीराङ खाला तेन्‍ग्‍यो,” सिनकामा थेकी थे कुज्‍येला “लो खोक ल्‍वा थेमे खोरोङ खोन्‍च्‍या दिङच्‍या खुरला खाँपा ग्‍युक,” सिन सिदुक।

मर्कूस 1:32

शिमोन आबी ठाक्‍पाते बात थोनामेकी थेङले मिओनगी ङीमा गानामेकी थे छोमु ग्‍वासे नाबाते थेमे ल्‍हन्‍डीक स्‍यिन्‍डीप खोबाते मि गाङेला ठाक्‍पा खाला नाङ सिन येशू ओत्‍सादु खुला लिच्‍युङ।

मर्कूस 10:49

थेकी छेरा खाबाते थोकीन येशू रकस्‍यिक थेरूराङ गुकीन थे खोरोङ दोन्‍दु ओताते मिओनला “थे मिला देपा स्‍योक सि,” सिन लिन ताङसुङ। थेमे थे मिओनगी गाल्‍गीन बारतिमैला “लो था गा खि, ल्‍वा। खोल्‍ला स्‍योक्‍लो,” सिन सिरजीन

मर्कूस 5:34

थेमे थेकी “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत। खुई बेथेकी था खोल्‍ला नोमुङ दुक्‍पा मेतेरो,” सिन सिदुक।

मर्कूस 6:50

थे थोक खाला ओङगीन ओता थोङजीन चेलातेबा गाङेराङ आउदी खाईन ज्‍यीबा खाबा ओतान। थेबा ज्‍यीबा खाबाते छ्या स्‍येकीन थेकी “ज्‍यीबा माकेत, ङाका ईन। छ्याःङ ज्‍यीबा खिता माफाबो,” सिन बात खासुङ।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

यूहन्‍ना 2:25

सु मि चुक्‍ते ईन्‍दे सिन थेला सुङगीङ लाःपा फाप्‍च्‍या मेतान। च्‍यिला सासीन मि सेम चुक ओङगीते सिन गाङे थेला लेमु खाला छ्या ओतान।

यूहन्‍ना 21:5

थेमे थेकी थेबाला “ए होइबावे, ख्‍योकोनगी छ्याःङ माथेप्‍सुङ?” सिन सिरजीन थेबेकी “अहँ, दोक्‍पोईओङ माथेप्‍सुङ,” सिन सिदुक।

शक्ति काम 14:9

थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

शक्ति काम 19:12

कोई कोई अचम्‍बते कामनी दोगोङ ओङा ओतान। चुक सासीन मिओनगी पावलगी चले खित्‍च्‍येते रूमालताङ स्‍यिल्‍गीन ख्‍याम्‍बाते खोलाक नाङ खाईन खेरगीन थे खोलाक नाबाते मि लाक ज्‍याक्‍नामेकी जस्‍तो रोग लै खाबाते मिङ दाक ठागीन ओतान। दोस्‍यिककामा मेन, ल्‍हन्‍डीक खोबाते मिओन लाक थे खोलाक ज्‍य्‌वाजीन ल्‍हन्‍डीकतेबाङ थे मिओनदुकी थेन्‍ला डुइन ओतान।

शक्ति काम 23:11

थे छोमु ग्‍वाका पावलगी प्रभु येशूला थे खोरोङ खादु वाबाते थोङसुङ। थेमे प्रभु येशूकी थेला “पावल, दुरू खोल्‍ला खइँदा मेलेबा ओङगीता सिन खो बान्‍दा ज्‍यीबा माकेत। खुई रोम सारदु गाल्‍ला दुरू च्‍योकराङ खाला थेरूङ ङे बात गाङे ज्‍येनला लोपा फाप्‍क्‍यो,” सिन बात खासुङ।

रोमी 5:11

दोस्‍यिककामा मेन, ङुरूङ प्रभु येशूकी ङुरूङला परमेश्‍वरताङ डिक्‍पा खाईन बिन्‍दा ओतेकी परमेश्‍वर ङुरूङला चुक लेमु खित्‍कान्‍ते ईन्‍दे सिन था ङुरूङ गा खिन देता थुप्‍क्‍यो।

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।