मत्ती 9:15 - जिरेल

¹⁵ थोक सिरजीन थेकी “बेउला खोपरोङ दोन्‍दु ओत्‍कीन ओत्‍कीन फाङमाला वाबाते मि सु साप मास्‍साबा खाला पीर खिन देत्‍कीतेरो? था मिओनगी वाला बेउलाला जबरजस्‍ती फाङमादुकी जुम्‍ला खेरग्‍यो। थोक खानामेईचेन फाङमा सार वाबाते मिओन पीरगी खित्‍सादु तुक्‍पाराङ देत्‍क्‍यो।

मत्ती 9:15 ပူးပေါင်းရင်းမြစ်များ

मत्ती 9:14

थेमे यूहन्‍ने चेलाओनगीङ येशू ओत्‍सादु वाकीन “गुरू, ङ्योकोनबरी बेला बेलाला बर्त देत्‍क्‍यो। फरिसी पाटी मिओनगीङ थोकराङ खिदुक। खुई चेलाओनचेन च्‍यिला बर्त मेदेत्‍का?” सिन ठिसुङ।

मत्ती 9:16

ख्‍योकोनगी दि बादोङ ङेन। च्‍यि सासीन ङिङबाते खोलाकला साम्‍बाते टालो ताप्‍सुङ सासीन तिरी ठुत्‍जीन टालो खुम्‍च्‍ये खाला थे खोलाक झन मेलेबा खाला राल्‍ग्‍यो।

मर्कूस 2:19

थोक सिरजीन थेकी “बेउला खोपरोङ दोन्‍दु ओत्‍कीन ओत्‍कीन फाङमाला वाबाते मि सु साप मास्‍साबा खाला देत्‍कीतेरो? बेउला खोपरोङताङ ङ्योम्‍बु ओत ओतसाकनी थेबा तुक्‍पा देतराङ मेदेदो।

मर्कूस 2:20

था मिओनगी वाला बेउलाला जबरजस्‍ती फाङमादुकी जुम्‍ला खेरग्‍यो। थोक खानामेईचेन फाङमा सार वाबाते मिओन पीरगी खित्‍सादु तुक्‍पाराङ देत्‍क्‍यो।

लूका 17:22

थेमे थेकी चेलातेबाला “था समयज्‍यीक ओङगो। थेजीन ख्‍योकोनला परमेश्‍वर ओत्‍सादुई वाबाते मि थानी देमा ग्‍युरगीन वाकीन राज्‍य खिताला स्‍यूसीन थेमे ङीमाईकामा थे राज्‍यदु देता ङेत्‍सीनोङ चुक लेमु ओङच्‍या ओताने सिराच्‍योक लाङगो। तर थेजीन ख्‍योकोनगी साबाच्‍योक मेङगो।

लूका 5:34

थोक सिरजीन थेकी “च्‍यि बेउला खोपरोङ दोन्‍दु ओत्‍कीन ओत्‍कीन फाङमाला वाबाते मिओनला था ख्‍योकोन तुक्‍पाराङ देत सिओतरो?

लूका 5:35

था मिओनगी वाला बेउलाला जबरजस्‍ती फाङमादुकी जुम्‍ला खेरग्‍यो। थोक खानामेईचेन फाङमा सार वाबाते मिओन पीरगी खित्‍सादु तुक्‍पाराङ देत्‍क्‍यो,” सिन सिदुक।

यूहन्‍ना 16:6

ङे दि बाततेबा साबेकी ख्‍योकोन सेम स्‍यिइन सिन्‍दा ओत।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

शक्ति काम 14:23

थेबा ङिबोकी होथे सार सारला जम्‍मा ओङकान्‍ते येशू ख्रीष्‍ट मिओनला ताप्‍ला थेबे नाङदुईराङ कोई कोई मि छाने खाईन ज्‍याक्‍सुङ। थेमे बर्त देत्‍ला प्रार्थना खिनकामा थेबा ङिबोकी येशू मि गाङेला लेमु खाला तो सिन प्रभु येशू लाःक्‍तुराङ सोम्‍पे खासुङ।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

छ्या स्‍ये च्‍युताते बात 19:9

थेमे थे परमेश्‍वर दूतकी ङाला “दि बात टि। लुई रीउ फाङमा साप्‍ला काताङाते मिओन भाग्‍यमानी ईन,” सिन सिदुक। थेकी लोक्‍ला “दि बातचेन साँचोते बातकामा खित्‍कान्‍ते परमेश्‍वर थे खोरोङगीराङ साबाते ईन,” सिनोङ सिदुक।

छ्या स्‍ये च्‍युताते बात 21:2

थेमे परमेश्‍वर सार सिरच्‍येते साम्‍बाते यरूशलेम परमेश्‍वर देत्‍सादुई स्‍वर्गनेकी थुल्‍लाला फाप्‍कीन ओताते ङे थोङसुङ। थे सारचेन लेमु लेमु खोलाकताङ गहनातेबा कोन्‍गीन बेउले लाईदु ठीक खाईन ज्‍याक्‍पाते बेउली च्‍योकराङ थोङगीन ओतान।