मत्ती 9:13 - जिरेल

¹³ ख्‍योकोनगी परमेश्‍वर बात लेमु खाला पढे खाला च्‍याला थेरू परमेश्‍वरगी ‘ङाला सिन भोग बिन्‍ला जेसुकै चढे खाला खिता भन्‍दा बरू ख्‍योकोनगी ज्‍येनला ङिङज्‍ये खि,’ सिन साबाते बात खोबा खि। थोगी ङाङ पापीओनला परमेश्‍वर छ्य्‌वापा लै खि सिराला वाबाते ईन। धर्मतीतेबाला दोक खि सिराला वाबाते मेन,” सिन सिदुक।

मत्ती 9:13 ပူးပေါင်းရင်းမြစ်များ

मत्ती 12:3

थेबेकी थोक सिरजीन थेकी “दाऊद गेल्‍बोकी चुक खाबा ओताने सिन ख्‍योकोनगी पढे खाबा मेतरो? फ्रोबा फापे बेलाला थेत्ताङ थे मिओनगी खापाङ छ्याःङ साच्‍येते मेङेत्‍जीन

मत्ती 12:5

याङराङ थे नियमलाराङ परमेश्‍वर मन्‍दिरदु देत्‍कान्‍ते पूजारीओनगी सन्‍चारी छोमुङ सधैँ च्‍योकराङ खाला काम खिता ओङगो सिन टिबा ओत मेन? काम खिता मेङगो सिन साबे छोमु मन्‍दिरदु खिता फाप्‍च्‍येते काम खासीनोङ थेबेते छ्याःङ गल्‍ती मेन सिन ख्‍योकोनला छ्याराङ ओत।

मत्ती 12:7

परमेश्‍वर बातला ‘ङाला सिन भोग बिन्‍ला जेसुकै चढे खाला खिता भन्‍दा बरू ख्‍योकोनगी ज्‍येनला ङिङज्‍ये खि,’ सिन परमेश्‍वरगी साबाते बात ख्‍योकोनगी खोबा चाला ईन्‍सीन छ्याःङ गल्‍तीराङ मेताला ङे चेलाओनला ख्‍योकोनगी दिबेकी परमेश्‍वर नियमताङ मिडिक्‍च्‍येते काम खासुङ सिन सिरच्‍या मेतान।

मत्ती 19:4

थोक सिरजीन थेकी “च्‍यि ख्‍योकोनगी परमेश्‍वर नियमला दि बात पढे खाबा मेतरो? चुक सासीन परमेश्‍वरगी मि जोजीनराङ ख्‍योओ मिज्‍यीकताङ फेम्‍मे मिज्‍यीक खाईन जोबाते ईन।

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

मत्ती 3:2

थेरू ओङकान्‍ते मिओनला थेकी “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन लोप्‍कीन ओतान।

मत्ती 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो।

मत्ती 4:17

कफर्नहुमपा गाल्‍नामेई येशूकी मिओनला “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन गा लाङच्‍येते बात लोपाला स्‍यूसुङ।

मर्कूस 12:26

थेमे स्‍याप्‍ते मिओनला परमेश्‍वरगी सोम्‍बो लोइओ सिरच्‍येते बातनी मोशेकी टिबाते बात तालाङ छ्या स्‍येक्‍यो। थेकी टिबाते बाराते बुटादु ओङाते बात पढे खित्‍जीन ख्‍योकोनगी दि बात खोबा फाप्‍च्‍येते ईन। थेरूचेन प्रभु परमेश्‍वरगी मोशाला ‘ङा अब्राहाम, इसहाक थेमे याकूब परमेश्‍वर ईन,’ सिन थे खोरोङला साबाते बात मोशेकी टिबा ओत।

मर्कूस 12:33

ङुरूङगी परमेश्‍वरला दाक्‍पोन आत्‍माताङ बुद्धिकी थेमे स्‍येतकी थुपासम्‍म सेमदुकीराङ ङिङज्‍ये खिता फाप्‍क्‍यो। थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खिता फाप्‍क्‍यो। ङुरूङगी दि नियम ङिबो ङेन्‍दा छेत छ्येते ज्‍येन छ्याःङ मेन। दि नियम ङिबो ङेन्‍च्‍येतेचेन परमेश्‍वरला भोग बिन्‍ला स्‍येक्‍च्‍येते थेमे भोग तेरच्‍येते जति भोग बिन्‍दा भन्‍दाङ छ्येते ईन,” सिन सिदुक।

मर्कूस 2:17

थेबेकी थोक सिरजीन येशूकी थेबाला “नाबाते मिओनलाका डाक्‍टर गोक्‍यो, सन्‍चाराङ ओत्‍कानलाका च्‍यि डाक्‍टर गोकीतेरो? थोगी ङाङ पापीओनला परमेश्‍वर छ्य्‌वापा लै खि सिराला वाबाते ईन। धर्मतीते मिओनला दोक खि सिराला वाबाते मेन,” सिन सिदुक।

लूका 10:26

थोक सिरजीन येशूकी “परमेश्‍वर नियमला च्‍यि खिता फाप्‍क्‍यो सिन टिला दुका? थेमे खुई च्‍यि बात खोसुङा?” सिन सिदुक।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

लूका 5:31

थेबेकी थोक सिरजीन येशूकी थेबाला “नाबाते मिओनलाका डाक्‍टर गोक्‍यो, सन्‍चाराङ ओत्‍कानलाका च्‍यि डाक्‍टर गोकीतेरो?

लूका 5:32

थोगी ङाङ पापीओनला खोपरोङ पापी दुका सिन छ्या स्‍येला परमेश्‍वर छ्य्‌वापा लै खि सिराला वाबाते ईन। धर्मतीतेबाला दोक खि सिराला वाबाते मेन,” सिन सिदुक।

यूहन्‍ना 10:34

थोक सिरजीन थेकी “च्‍यि ख्‍योकोन नियमला ‘ख्‍योकोन खेराङराङ परमेश्‍वर फुज्‍युङ फुमु ईन,’ सिन परमेश्‍वरगी साबाते बात टिबा मेत?

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।