मत्ती 8:6 - जिरेल6 थेकी येशूला “प्रभु, ङेते खाम्बादु काम खित्कान्ते मि नाकीन कुजा गाल्गीन याकयोकराङ खिता मुथुप्च्या गाल्गीन थला परे खाबा ओत। थेला ठाक्पा खाला नाङना ओर्च्ये,” सिन सासुङ। အခန်းကိုကြည့်ပါ။ |
मत्ती 8:6
12 ပူးပေါင်းရင်းမြစ်များ
थेमे थेकी ठाक्पा खाला तेरस्यीत सिन कोई कोईकी ख्याम्बाराङ मुथुप्कानज्यीक कुज्येज्यीकला मालज्यामताङराङ डोलो खाईन खुरगीन थे ओत्सादु क्याल्सुङ। थेकी ठाक्पा खिता थुप्क्यो सिन थेबेकी थे खोरोङला थोक विश्वास खाबा थोङगीन थेकी थे कुज्येला “फुज्यो, था खो ज्यीबा माकेत। ङे खुई खाबाते पाप गाङे माफ खाबान,” सिन सिदुक।
फिलिपकी थेङला मिओनला खोबाते ल्हन्डीकओनला थेबे नाङदुकी थेन्ला ग्युक सिन तेन्गीन ताङसुङ। थोक खाला तेन्ला तोङजीन थे ल्हन्डीकओन छेरा खिनकामा मिदुकी थेन्गीन गाल्सुङ। थोकराङ खाईन थेकी लाक्पा काम्बा चले खिता मुथुप्कान्ते मि काल्बेईला लाक्पा काम्बा चले खिता थुप्च्या जोसुङ। थेमे कुज्येतेबालाङ काल्बेईला ख्याम्बा थुप्च्या जोसुङ।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
थोकराङ खाला मालिकतेबालाङ ङा च्यि सिते सासीन स्वर्गने ख्योकोनतेङ मालिक ओत थेमे खेराङगी खाबाते गाङे कामताङ बातकी हर हिसाब ङीमा लेनज्यीक थेला तेरा फाप्क्यो सिन ठेम्बा खि। थोगी खेराङ योक्पो योङमुला थेबाङ मिराङ ईन सिरच्येते बात टोक मेज्येता खाला थेबाला दुक्पा मातेर, थेबाला गोच्येते जेसुकै दाङच्या खाला बिन।
थेबे मालिकतेबाङ येशू ख्रीष्टला विश्वास खित्कान्ते ईन्सीन थानी आज्यो न्वाराङ ईन सिराच्योक खाला मालिकतेबाला मान खिता तोङा मेङगो। बरू मालिकओनलाङ परमेश्वरगी ङिङज्ये खिओ, थेबाङ येशू ख्रीष्टला विश्वास खित्कान ईन साला थेबाला लेमु ओङस्यीत सिन झन लेमु खाला काम खिता फाप्क्यो। ङे साबाते दि बाततेबा गाङे चुक खिता फाप्कीते सिन खुई गाङेला लाप्ला कोत्ला बिन।
ကြော်ငြာတွေ