मत्ती 8:20 - जिरेल20 थोक सिरजीन थेकी “तर दि बात छ्या स्येबा खि। च्यि सासीन किप्च्याङते देत्च्येते ठाउँ ओङगो। थोकराङ खाला छ्योज्युङमेतेङ छाङ ओङगो। तर परमेश्वर ओत्सादुई वाबाते मि ङेतेनी थेबेते च्योक खाला देत्च्येते ठाउँ छारीनी गोःज्यीक रिल्ला देत्च्येते ठाउँओङ मेत,” सिन सिदुक। အခန်းကိုကြည့်ပါ။ |
मत्ती 8:20
35 ပူးပေါင်းရင်းမြစ်များ
थोक सिरजीन थेकी चेलातेबा गाङेला “ईन ईन, ख्योकोनगी च्यि खाबा ओते सिन ङाला गाङे छ्या ओत। ङा ख्योकोनला चुक सिते सासीन दि जुग सिन्गीन स्वर्गे राज्य पूरो खाईन वानामेई परमेश्वर ओत्सादुई वाबाते मि ङा गेल्बो देत्च्येते सिंहासनदु देत्ला राज्य खित्जीन ख्योकोनगीङ सिंहासन च्युन्ङी लाक्तु देत्ला ङात्ताङराङ राज्य खिता ङेत्क्यो। थेमे ख्योकोनगी इस्राएलीओन थर च्युन्ङीला राज्य खाला न्याय खिओ।
ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन। ख्योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्दुक सासीन परमेश्वर ओत्सादुई वाबाते मि ङाङ तिरी ग्युरला ओङजीन थोक्ते मिला ङो मेस्येओ सिन सिओ। थेजीन ङा आबेते छ्येज्यीक शक्ति ङेत्ला नाम्दाककी झिलिमिली गाल्ला थे दूतओनताङ दुरू ग्युरला ओङगो,” सिन सिदुक।
दि बात ङेन। परमेश्वरगीनी थेबाला दुक्पा तेरकान्तेबे लाःक्तुकी होत्ताराङ टाल्ला तेरग्यो। थोक ईन्सीनोङ परमेश्वर ओत्सादुई वाबाते मि ङा पृथ्वीमा ग्युरला ओङ ओङसाकराङ परमेश्वरगी प्रार्थना ङेन्ला दुक्पादुकी डेल्ग्यो सिन थेला विश्वास खिनराङ देत्कान्तेबा मेरा थोईजो ओङोङा? दि बात ख्योकोनगी सेमगी नाङ गुने खि,” सिन सिदुक।
थेमे ज्येन मेरा ङिचेन योअन्नाताङ सुसन्ना सिरातेन्दे ओतान। योअन्नाचेन चूजा सिराते मि फेम्मे ओतान। चूजाचेन हेरोद गेल्बो दरवारदु काम खित्कान्ते छ्येज्यीक मि ओतान। दिबाकामा मेन्देकी ज्येन ज्येन फेम्मे मिङ थेबाताङ ङ्योम्बुराङ ख्याम्बा ओतान। दिबा गाङेकी खोपरोङ पैसेकी येशूताङ थे चेलाओनला दोक खाला गा लाङच्येते बात लोप्कीन ख्याम्जीन साप थुङाला गोच्येते जेसुकै बिन्ला मद्धत खिन ओतान।
खालि साच्या थुङच्ये विचारकामा माकेत। दिनी दि जुनी लाईदुकामा ईन। बरू ख्योकोनगी चुक खाला नोमुङ मिसिन्च्येते जुनी ङेत्च्येते साप ङेदोङा सिरच्येते विचार खि। ख्योकोनला थे साप तेरकान्तेचेन परमेश्वर ओत्सादुई वाबाते मि ङाराङ ईन। आबा परमेश्वरगीराङ ङाला थोक खित्च्येते अधिकार बिन्दा ओत,” सिन सिदुक।
ကြော်ငြာတွေ