मत्ती 8:16 - जिरेल

¹⁶ थे छोमु नाम स्‍योनामेकी मिओनगी ल्‍हन्‍डीक स्‍यिन्‍डीप खोबाते मि काल्‍बेई येशू ओत्‍सादु क्‍याल्‍सुङ। थेमे थेकी मिओनला खोबाते ल्‍हन्‍डीकओनला थेन्‍ला ग्‍युक सिनकामा तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। थोकराङ खाईन थेरू खुलाबाते नाबाते ज्‍येन मिलाङ थेकी गाङेला ठाक्‍पा खासुङ।

मत्ती 8:16 ပူးပေါင်းရင်းမြစ်များ

मत्ती 12:22

थेरूई मिओनगी ल्‍हन्‍डीक खोबाते मिज्‍यीकला येशू ओत्‍सादु क्‍याल्‍सुङ। ल्‍हन्‍डीक खोबा ओतेकी थे मि मिगीङ मोथोङच्‍या थेमे बादोङ खिता मुथुप्‍च्‍या गाला ओतान। येशूकी थे मिदुकी ल्‍हन्‍डीक तेन्‍गीन ताङनामेई थे मि मिगी थोङच्‍याताङ बादोङ खिता थुप्‍च्‍या गाल्‍सुङ।

मत्ती 14:14

थे खोरोङ थेपा लेप्‍ला डुङ्गादुकी फाप्‍जीन थेकी गोमाका थेपा लेपाते होथे ङोला ङ्वा मुथुप्‍च्‍ये मि थोङसुङ। थेबाला थोङजीन थेला आउदी ङिङज्‍ये लासुङ। थेमे थेकी थेबे नाङ नाबा ओतातेबाला ठाक्‍पा खाईन बिन्‍सुङ।

मत्ती 8:15

थेमे थे ठाक्‍स्‍यीत सिन येशूकी थे लाक्‍पाला दोसुङ। दोक खिताईताङ थेते ठास्‍युम दाक छ्याक्‍सुङ। थेमे थेकी लाकीन येशूला सिन साप जोकीन बिन्‍सुङ।

मत्ती 8:33

थोक ओङा थोङगीन थे फाक्‍पे गोठालाओन ज्‍यीबेकी सारगी नाङपा छ्य्‌वाकीन गाल्‍गीन फाक्‍पा स्‍याप्‍ते थेमे थे ल्‍हन्‍डीक खोबाते मि ङिबोला ओङाते बात गाङे मिओनला लाःप्‍सुङ।

मत्ती 9:2

थेमे थेकी ठाक्‍पा खाला तेरस्‍यीत सिन कोई कोईकी ख्‍याम्‍बाराङ मुथुप्‍कानज्‍यीक कुज्‍येज्‍यीकला मालज्‍यामताङराङ डोलो खाईन खुरगीन थे ओत्‍सादु क्‍याल्‍सुङ। थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, था खो ज्‍यीबा माकेत। ङे खुई खाबाते पाप गाङे माफ खाबान,” सिन सिदुक।

मर्कूस 2:3

थे बेलालाराङ मेन्‍दा स्‍यी मिकी थेकी ठाक्‍पा खाला तेरस्‍यीत सिन ख्‍याम्‍बाराङ मुथुप्‍कानज्‍यीक कुज्‍येज्‍यीक डोलीला खुरगीन येशू ओताते खाम्‍बादु क्‍याल्‍सुङ।

मर्कूस 5:8

येशूकी “थे मिदुकी थेन्‍ला ग्‍युक,” सिन कोतेकीराङ थे ल्‍हन्‍डीककी थोक खाईन बिन्‍ती खाबा ओतान।

मर्कूस 9:25

थेमे मि गाङेराङ छ्य्‌वाकीन वाकीन थेरूराङ ह्रुप रूपा थोङगीन येशूकी थे ल्‍हन्‍डीकला “खुई दि फिजे नामज्‍योक ओन च्‍युत्‍कीन दिला लाटा जोला दुक। खो दि फिजादुकी थेन्‍ला ग्‍युक। थेमे याङराङ नोमुङ दि फिजाला मादो,” सिन कोत्‍सुङ।

लूका 13:12

थेला थोङगीन येशूकी “ए आज्‍यी, खो देपा स्‍योक,” सिन काताङगीन “थरिङमेई खो ठाक्‍सुङ,” सिनकामा

लूका 4:40

शिमोन आबी ठाक्‍पाते बात थोनामेकी थेङले मिओनगी थे छोमु ङीमा गानामेकी नाबाते मि गाङेला येशू ओत्‍सादु खुला लिच्‍युङ। थेबा खुदुक खुदुक रोग लै खाईन नाबा ओतान। थेकी थेबा मेन्‍दा रेरे लाक्‍तु लाक्‍पा ज्‍य्‌वाकीन गाङेला ठाक्‍पा खाला तेरगीन खासुङ।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

शक्ति काम 5:15

थेमे थे सारगी मिओनगी नाबाते मिओनला दिङच्‍या खोन्‍च्‍याताङराङ खुलाकीन लामगी छेउकी नाङला जहाँसुकै ङ्याल्‍गीन ज्‍य्‌वाबाला स्‍यूसुङ। थेबे नाङ मेन्‍दाई मेन्‍दा ङिलाकामा ईन्‍सीनोङ पत्रुस लामला ख्‍याम्‍जीन थे ठिमाककामा फाप्‍सीनोङ थेबा ठाइओ सिनराङ मिओनगी थोक खाबा ओतान।