मत्ती 8:1 - जिरेल

¹ थेरूई येशू बोमनेई थुल्‍ला फाप्‍सुङ। थे थेनेकी फाप्‍जीनराङ ङोला ङ्वा मुथुप्‍च्‍याज्‍यीक मि थे तिङ ङ्याकीन ख्‍याम्‍सुङ।

मत्ती 8:1 ပူးပေါင်းရင်းမြစ်များ

मत्ती 12:15

थोक खाईन थे खोरोङला सेताला ठो खाबाते बात छ्या स्‍येकीन येशू थेरूई ज्‍येननापा ड्वाप्‍ला ख्‍याम्‍सुङ। थेमे आउदी काल्‍बेई मि थे तिङ ङ्याकीन ख्‍याम्‍सुङ। थेकी थेबे नाङ नाबा ओताते गाङेला ठाक्‍पा खासुङ।

मत्ती 15:30

थेमे थेरू आउदी काल्‍बेई मि जम्‍मा ओङसुङ। थेबेकी थेरू ख्‍याम्‍बा मुथुप्‍कान्‍तेबा, कुज्‍येतेबा, अन्‍धतेबा, लाटातेबा थेमे ज्‍येनोङ नाबाते मि काल्‍बेई खुलाकीन येशू दोन्‍दु ज्‍याक्‍सुङ। थेमे थेकी थेबा गाङेला ठाक्‍पा खासुङ।

मत्ती 19:2

मुन्‍तीसरी मि थे तिरी तिरी तिङ ङ्याकीन ख्‍याम्‍सुङ। थेबे नाङ नाबा ओतातेबा गाङेला थेकी ठाक्‍पा खाईन बिन्‍सुङ।

मत्ती 20:29

थोक खाला डुइन डुइनला येशूताङ थे चेलातेबा यरीहो सार योल्‍ला ड्वा खाईन सिन्‍दा खाबा ओतान। थेबे तिरी तिरी आउदी काल्‍बेई मि ख्‍याम्‍बा ओतान।

मत्ती 4:25

थोक ओङनामेकीनी गालील अञ्‍चल नाङलेते, डेकापोलिस सिराते सार च्‍युताम्‍बे नाङलेते, यरूशलेम सारगीते, यहूदिये अञ्‍चलताङ यर्दन चाङबो फारकेन नाङपेते ङोला ङ्वा मुथुप्‍च्‍या मि थे तिङ ङ्याकीन ख्‍याम्‍बाला स्‍यूसुङ।

मत्ती 7:29

च्‍यिला सासीन थेकी थेबा खोपरोङ धर्मे गुरूओनगी च्‍योक खाला लोप्‍कीन मेतान। थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

मत्ती 8:18

थे खोरोङ फेरोला झन काल्‍बेई मि जम्‍मा ओङा थोङनामेई येशूकी चेलातेबाला समुन्‍द्रे फारकेनपा डुइ सिन सासुङ।

मत्ती 8:2

थेमे थे बेलालाराङ जेबोज्‍यीक थे दोन्‍दु ख्‍योल्‍गीन मान खिन खोबुकला देत्‍कीनकामा थेला “खुई ङाला ठाक्‍पा खिता चाल्‍सीन ङा ठाक्‍च्‍या ओतान आङ प्रभु,” सिन सासुङ।

मर्कूस 3:7

थेमे येशूचेन चेलातेबाताङ गालील समुन्‍द्रे छेउनामा गाल्‍सुङ। थे तिरी तिरी गालील अञ्‍चलदुकी ङोला ङ्वा मुथुप्‍च्‍या मि तिङ ङ्याकीन गाल्‍सुङ।

लूका 5:15

थेकी थेला ठाक्‍पा खाबाते बात सुङलाङ मासेर सासीनोङ थे बात ज्‍येन मि काल्‍बेईकी छ्या स्‍येकीन झन गाङेपा फैले खासुङ। दोक ओङगीन येशूकी लोप्‍कीन ओताते परमेश्‍वर बात ङेन्‍दाला थेमे खोपरोङला खोबाते रोग ठाक्‍पा खाला नाङ सिराला झन आउदी काल्‍बेई मि थे ओत्‍सादु लेपाला स्‍यूसुङ।