मत्ती 7:22 - जिरेल

²² था परमेश्‍वरगी न्‍याय खिते छोमु चुक ओङगीते सासीन स्‍वर्गने स्‍यूक्‍पा मेङेत्‍कान्‍ते मि काल्‍बेईकी ङाला ‘ए प्रभु, च्‍यि ङ्योकोनगी खुई मिनगी छ्य्‌वापेई परमेश्‍वरगी सिर च्‍युताते बात खाबा मेतानरो? थेमे च्‍यि ङ्योकोनगी खुई मिन लाकीन मिओनला खोबाते ल्‍हन्‍डीकओन तेन्‍गीन ताङा मेतान? थोकराङ खाईन च्‍यि ङ्योकोनगी खुई मिनगी छ्य्‌वापेई अचम्‍ब अचम्‍बतेन्‍दे काम काल्‍बेई खाबा मेतानरो?’ सिन सिओ।

मत्ती 7:22 ပူးပေါင်းရင်းမြစ်များ

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 24:36

तर ङे ओङगो साबाच्‍योक ओङच्‍येते च्‍यि छोमु, नाम खजो बेलाला ओङगीते सिनचेन परमेश्‍वर दूतओनला थेमे परमेश्‍वर फुज्‍युङलाङ छ्या मेत। दि बात खालि आबालाकामा छ्या ओत।

मत्ती 25:11

थेमे रकस्‍यिक तिरी थे मोर्गु ङ्योर डोकान्‍ते फेम्‍मे फिजाओनोङ थेरू ख्‍योल्‍गीन ‘ए हजूर, ङ्योकोनलाङ गो फेतना,’ सिन सादुक्‍लो।

मत्ती 7:21

थेमे ङाला माने खित्‍कान ईन सिन प्रभु खो छ्ये ईन सिन सिरकान्‍ते मि गाङेराङ स्‍वर्गे राज्‍यने स्‍यूक्‍पा मेङेदो। स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनकामा थेने स्‍यूक्‍पा ङेत्‍क्‍यो।

लूका 10:12

ङा ख्‍योकोनला च्‍यि सिते सासीन थाङबो सदोम सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

यूहन्‍ना 11:51

दि बात कैयाफेकी थे खोरोङ सेमला नोकीन खाबा मेतान। थे लोईते गाङे भन्‍दा छ्येते पूजारी ईन्‍देकी येशू यहूदी गाङे लाईदु स्‍यिइओ सिन थेकी थोक खाईन तिरी ओङच्‍येते बात खाबा ओतान।

१ थिस्‍सलोनिकी 5:4

आज्‍यो न्‍वावे, ख्‍योकोनचेन तिरी ओङच्‍येते बातला छ्याःङ विचार मिक्‍किता खाला मुन्‍दाकला देत्‍कान्‍ते मि मेन। थोगी सुइँदे खाम्‍बादु चोर ओङजीन थे खाम्‍बे मिओनला अचम्‍ब लाबाच्‍योक खाला प्रभु येशू ग्‍युरला ओङे छोमु ख्‍योकोनलाचेन छ्याःङ अचम्‍ब मालाङो।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 1:18

था प्रभु येशू ख्रीष्‍ट ग्‍युरला ओङे छोमु थेकी थेला दया खित्‍स्‍यीत। ङा एफिससदु देता ओत्‍जीनोङ थेकी ङाला थोई मद्धत खाबा ओताने सिन खोल्‍लाङ छ्याराङ ओत।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।