मत्ती 7:21 - जिरेल21 थेमे ङाला माने खित्कान ईन सिन प्रभु खो छ्ये ईन सिन सिरकान्ते मि गाङेराङ स्वर्गे राज्यने स्यूक्पा मेङेदो। स्वर्गने देत्कान्ते ङे आबेकी खि साबा साबाच्योक खित्कान्ते मिओनकामा थेने स्यूक्पा ङेत्क्यो। အခန်းကိုကြည့်ပါ။ |
मत्ती 7:21
49 ပူးပေါင်းရင်းမြစ်များ
थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खो ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
परमेश्वर राज्यचेन खाम्बा च्योकराङ ईन। ङीमाई थे खाम्बे धनीकी खाम्बे गो डेप च्येत्क्यो। गो च्येत्नामेई च्यि ओङगीते छ्या ओत? ख्योकोनचेन फिनामा देत्ला ‘ए हजूर, गो फेतना, ङ्योकोनोङ ओङामीन,’ सिन छेरा खिओ। ख्योकोनगी थोक खित्जीन खाम्बे धनीकीचेन नाङनेकी ‘ख्योकोन सु ईन्दे, खापेकी वाबाते ईन्दे सिन ङाला छ्या मेत। थोगी ङे च्यिला गो बेत्च्ये?’ सिन सिओ।
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
थोकराङ खाला खेराङ युलगी मि इपाफ्रासतेङ ख्योकोनला नमस्ते ओत्लो। थेङ येशू ख्रीष्ट काम खित्कान्ते मिराङ ईन सिन ख्योकोनला छ्याराङ ओत। ख्योकोन काम बात जे कुरोलाङ पाको गालाते मि ओङस्यीत थेमे परमेश्वरगी खेराङला च्यि खि सिका सिन लेमु खाला छ्या स्येला खि साबा च्योकराङ खित्स्यीत सिन दिकी ख्योकोन लाईदु परमेश्वरताङ आउदी खाला प्रार्थना खिदुक।
खोपरोङ होथोक्ते मि ईन्सीनोङ थेबेकीचेन परमेश्वर सु ईन्दे, चुक्ते ईन्दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्वरला माने खित्कान्ते मि मेन सिन दाक छ्या स्येक्यो। थेबाला थोङजीन परमेश्वरला गा मालाङो, थेबेकी परमेश्वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।
ကြော်ငြာတွေ