मत्ती 7:15 - जिरेल15 थेमे परमेश्वर बात खित्कान्ते मि ईन साला मेन्दे बात लोप्कान्ते मिओनताङ च्याङबो खाला देत। थेबाचेन सुङलाङ छ्याःङ मेलेबा मिक्किकान्ते लुक च्योकराङ थोङगो। ईन्सीनोङ थेबानी फारा च्योकराङ मेलेबा ईन। အခန်းကိုကြည့်ပါ။ |
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
ख्योकोन च्याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्च्येते बातनी छ्याःङ काम लै मिक्किच्येते ईनराङ मेन्दे बात ईन। थोक्ते बातनी दि सा लुङबा खाङ मिओनगी खोपरोङ ज्युज्यु पुर्खे पालोमेई माने खिन वाबाते रीतिथिति बातकामा ईन। थोक्ते बात ख्रीष्ट सु ईन्दे, चुक्ते ईन्दे सिरच्येते बातताङ बान्दा मिडिगो।
बात दोक दोक ईन्देकी ङिङज्येते आज्यो न्वावे, होदोक्ते मेन्दे बात लोप्कान्ते मिओन ओङगो सिन ख्योकोनला छ्याराङ ओतेकी ख्योकोन च्याङबो खाला देत। दोक माक्यासीन खिता मेङच्या ङोचा लाङच्येते काम खित्कान्ते मिओनगी लोप्च्येते मेन्दा मेन्दे बात ङेन्ला ख्योकोनगी खेराङगी ङेन्गीन ओताते सत्यते बात ङेन्दा तोङगो।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
थेमे ईन्सीन थोक खाला मिओनला छक्के खित्कान्ते शैतानला गन्धकताङ मे बाराते ज्यीबा लाङच्याज्यीक मे धुनीमा क्युरसुङ। थे जन्तु थेमे डुगी सिर च्युताते बात खित्कान्ते जन्तुलाङ गोमाका थेमाराङ क्युरा ओतान। था थेबा सुमबोकी ङीन नुप नोमुङ ङा स्वा मेङेता खाला खपेराङ खिता मुथुप्च्येते दुक्पा भोगे खिनराङ देता फाप्क्यो।