धर्मे गुरूओनताङ फरिसी पाटी मिवे, ख्योकोन चुक्तेन्दे ईन्दाका। था ख्योकोनला आउदी मेलेबा ओङगो। च्यिला सासीन चुक खाला स्वर्गे राज्यने स्यूक्पा थुप्कीते सिन ख्योकोनगी मिओनला लोपराङ मोलोप्तुक। थोक ईन्देकी मिओन थेने स्यूक्पाराङ मुथुप्तुक। दोक खाला खेराङनी थेने स्यूक्पा माङेत्सुङ माङेत्सुङ थेने स्यूक्पा सेम खित्कान्तेबालाङ ख्योकोनगी स्यूकराङ मुज्युत्तुक।
मत्ती 7:13 - जिरेल13 थेमे स्वर्गने डोच्येते लामगी गोचेन टेक्टेस्यिक ओत। थे गोने खाला स्यू। सजिलो खाला स्यूक्पा थुप्च्येते जोदाते गोचेन नरककुण्डमा डोच्येते लामगी गो ईन। थे गोदुकी स्यूला सजिलो खाला ख्याम्बा थुप्च्येते लामला डोकान्ते मिचेन काल्बेई ओङगो। အခန်းကိုကြည့်ပါ။ |
मत्ती 7:13
38 ပူးပေါင်းရင်းမြစ်များ
होथोकराङ खाला परमेश्वरलाङ थे खोरोङला जस्तो खिता सेम लाङगीदुक उस्तोराङ खित्च्येते अधिकार ओतेकी थेकी कोई कोई मिला स्येदाङगी चूर गाल्ला थे खोरोङगी तेरच्येते सजाय चुक मेलेबाज्यीक ओङगीते थेमे थे खोरोङताङ चुक छ्येज्यीक शक्ति ओते सिन तेन्गीन बिन्दा ओत। थेबा परमेश्वरगी स्येदाङगी चूर गाल्ला नरककुण्डमा लुबा फाप्च्येते मि ओता ईन्सीनोङ थे थेबाताङ होत्ता स्येदाङ मिक्किता खाईन काल्बासाक खपे खाईन देता ओतान।
येशू ख्रीष्टताङ जीउज्यीकराङ ओङाते मिओनगीचेन थानामेई थोक मिक्किओ सिन दाक्पोन खुशीला ख्याम्च्येते बानी येशू ख्रीष्ट टाँए खाईन स्याप्ते स्यिङगी थामला टाँए खाईन सिन्दा ओत। थोक खाईन दाक्पोन खुशीला ख्याम्च्येते बानी ताङगीन सिन्दा ओतेकी था थेबेकी दाक्पोनला च्यि च्यि खिता सेम लाङगीका थोकराङ खिता माफाबो।
थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक।
ठाकीन सिन्नामेई थे दूतकी लो हजारज्यीक माछाङथुप याङराङ थेकी लुङबा लुङबे मिला छक्के मिक्किस्यीत सिन थे डुकला खापान खापान तीङ ओताते डालुम नाङमा युकीन क्युरसुङ। थेमे थे डालुम गो च्येत्कीन सुङगीङ बेता मुथुप्स्यीत सिन थे गोला छाप ग्याप्सुङ। लो हजारज्यीक छाङनामेईचेन टिक्पी दिनगी लाईदुकामा ईन्सीनोङ थेला थेरूई थेन्ला डोला फाप्क्यो।
ကြော်ငြာတွေ