मत्ती 6:9 - जिरेल

⁹ ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

मत्ती 6:9 ပူးပေါင်းရင်းမြစ်များ

मत्ती 10:29

थेमे दि बात विचार खि। छ्यिल्‍बाक ङिचो सेत्‍कीन च्‍वासीन पैसा थोई ङेत्‍कीतेरो? पैसाज्‍यीकजोका ङेदोङ। मि लाईदु छ्यिल्‍बाक छ्याःङ च्‍योक मेन्‍सीनोङ थे छ्यिल्‍बाकज्‍यीक सेतातेङ आबा परमेश्‍वरगी छ्या स्‍येक्‍यो।

मत्ती 23:9

थेमे दुरू खेराङ नाङ सुङलाङ आबा सिन मान माकेत। च्‍यिला सासीन स्‍वर्गने देत्‍कान्‍ते परमेश्‍वरकामा ख्‍योकोन आबा ईन।

मत्ती 26:29

दि बात ङेन। आबे राज्‍य पूरो मायाङथुपचेन ङा याङराङ नोमुङ अंगूर छ्याङ मुथुङो। थे राज्‍य पूरो ओङनामेकीकामा ङा ख्‍योकोनताङ थे राज्‍यदु याङराङ अंगूर छ्याङ थुङगो,” सिन सिदुक।

मत्ती 26:42

थेमे थे याङराङ गाल्‍गीन “आबा, ङे दि दुक्‍पा भोगे माक्‍याबाला ओङराङ मेङगो सासीन खुई साबा च्‍योकराङ ओङस्‍यीत,” सिन प्रार्थना खासुङ।

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

मत्ती 6:14

ईन्‍दालाचेन ख्‍योकोनगी खेराङला मेलेबा खित्‍कान्‍ते मिओनला माफ बिन्‍सीन स्‍वर्गने देत्‍कान्‍ते ख्‍योकोन आबा परमेश्‍वरगीङ ख्‍योकोन पाप माफ तेरग्‍यो।

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मत्ती 7:11

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगीनी झन नाङ सिरकान्‍ते गाङेला च्‍यि लेमु दुका थेराङ तेरग्‍यो।

लूका 15:18

था ङा दुरूकी ख्‍याम्‍बा फाप्‍सुङ। थेमे गाल्‍ला आबाला ‘आबा, ङे खोत्ताङ ठाल्‍गीन गाल्‍गीन खुई इज्‍जत क्‍युराप। थोक खाईन पाप खाईन ङे परमेश्‍वर विरोधोङ खाबाप।

लूका 15:21

थोक खित्‍जीन फुज्‍युङतेकीचेन ‘आबा, ङे खोत्ताङ ठाल्‍गीन गाल्‍गीन खुई इज्‍जत क्‍युराप। दोक खाईन पाप खाईन ङे परमेश्‍वर विरोधोङ खाबाप। था ङा खुई फुज्‍युङ च्‍योक ओङला खाम्‍बादु देता मेङेदो सिन ङाला छ्या ओत,’ सिन सादुक्‍लो।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

गलाती 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङाला खटे खाबाते मिकीङ मेन थेमे येशू ख्रीष्‍टकी खटे खाबाते मिकी खित्‍च्‍येते काम खिताला मिकी ताङातेङ मेन। येशू ख्रीष्‍ट थेमे थेला स्‍यिसादुकी सोम्‍बो लोक्‍कान्‍ते आबा परमेश्‍वरगीराङ ङाला खटे खाबाते ईन।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 1:17

थेमे परमेश्‍वरताङ प्रार्थना खित्‍जीन ख्‍योकोन थेला आबा सिन सिओ। थेकी सुङलाङ काका पाका मिक्‍किता खाला सुई चुक खाला दुका थे ताला न्‍याय खिओ। थोगी खेराङ दुरू मि लुङबे मि च्‍योकराङ ईन सिन सम्‍झे खाला सोन्‍ला देत देतसाकराङ ख्‍योकोनगी परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन लेमु खिन देत।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।