मत्ती 6:6 - जिरेल

⁶ प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मत्ती 6:6 ပူးပေါင်းရင်းမြစ်များ

मत्ती 14:23

थोक खाईन गाङेला ताङनामेकी थे खोरोङचेन च्‍यिकराङ परमेश्‍वरताङ प्रार्थना खिताला बोमज्‍यीकने गाल्‍सुङ। नाम स्‍योला सिन्‍जीनोङ येशू बोमनेराङ ओतान।

मत्ती 6:18

दोक खासीन सुङगीङ छ्या मेस्‍येच्‍या खाईन बर्त देत्‍सीनोङ मि मिगी थोङा मुथुप्‍च्‍येते ख्‍योकोन आबा परमेश्‍वरगीचेन थे बात छ्या स्‍येला ख्‍योकोनला इनाम तेरग्‍यो।

मत्ती 6:4

थोक खासीन सुङगीङ छ्या मेस्‍येच्‍या खाईन खाबाते काम थोङकान्‍ते ख्‍योकोन आबा परमेश्‍वरगी ख्‍योकोनगी चुक खासुङा थोङला ख्‍योकोनला इनाम तेरग्‍यो।

यूहन्‍ना 1:48

थेकी थोक साबा थोकीन नथानेलगी “ङा चुक्‍ते मि ईन्‍दाका सिन खुई चुक खाईन छ्या स्‍येसुङा?” सिन ठिसुङ। थेमे येशूकी “फिलिपकी देपा टीला खुलाङा भन्‍दा गोमा खो नेभारे दोङबो चावादु ओते बेलालाराङ ङे खोल्‍ला थोङाप,” सिन सिदुक।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

शक्ति काम 10:30

थेकी थोक सानामेकी कर्नेलियसकी “हजूर, ङीमा स्‍यी गोमा होथामजोबा ग्‍वासे तीन बजे प्रार्थना खिते बेलाला ङा खाम्‍बादुराङ परमेश्‍वरला प्रार्थना खिन ओतान। प्रार्थना खिन खिनला ङे आउदी कार्मुज्‍यीक खोलाक खोन्‍दाई मिज्‍यीकला ङाराङ दोन्‍दु ओङा थोङसुङ।

शक्ति काम 10:9

थेमे ङारो च्‍योक्‍ते थेबा सुमबो ङीम्‍मु बाह्र बजे नाङला योप्‍पे खानापा लेपा खाबा ओतान। थे बेलाला पत्रुसचेन परमेश्‍वरला प्रार्थना खिताला खाम्‍बे लाकने कौसीने गाला ओतान।

शक्ति काम 9:40

पत्रुसकी थेरू ओताते मि गाङेला फिनामा तेन्‍गीन ताङगीन खोबुकला देत्‍कीन च्‍याकीन परमेश्‍वरला प्रार्थना खासुङ। थोक खाईन थेकी थे स्‍याप्‍ते रो ज्‍याक्‍सापा ग्‍युरगीन “तबीता, लो ल्‍वा,” सिन सिदुक। थेकी थोक सिरजीन तबीतेकी मिक पेत्‍सुङ। थेमे थेला थोङगीन थेरू लाकीन देत्‍सुङ।

रोमी 8:5

दाक्‍पोन खुशीला ख्‍याम्‍कान्‍ते मिओनगीचेन खोपरोङला चुक खिता सेम लाङगीका थे छ्य्‌वापाकामा स्‍येत खाला थोकराङ खिओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनगीचेन थेकी खि साबाते खित्‍च्‍ये छ्य्‌वापाकामा स्‍येत खाला थोकराङ खिओ।

एफिसी 3:14

आबा परमेश्‍वरगी खाबाते दि अचम्‍बते कामओन विचार खिन घुँडा चुला ङा थेला प्रार्थना खिओ।