मत्ती 6:28 - जिरेल

²⁸ थेमे लोक्‍ला च्‍यि खोन्‍च्‍ये सिन च्‍यिला पीर खिते? पाङगी नाङला फोङा ओताते लिली मेन्‍दोकलाराङ तो। दि मेन्‍दोकतेबा थोई लेमु दुका। मिकी दुक्‍पा खाला खोलाक खोन्‍दाच्‍योक लेमु ओङाला दि मेन्‍दोककी छ्याःङ खिता माफाबो।

मत्ती 6:28 ပူးပေါင်းရင်းမြစ်များ

मत्ती 10:10

थोकराङ खाला साच्‍या थुङच्‍येते लुबाप सिन झोला माखुर, फेङगाकोङ दोक्‍पोईकामा खेर। थेमे काचापताङ फेर्काङ माखेर। च्‍यिला सासीन खेतालेकी खोपरोङ निमेक ङेता च्‍योकराङ ख्‍योकोनोङ ज्‍येनतेबे लाईदु काम खित्‍कान्‍ते मि ईन्‍देकी ख्‍योकोनला गोच्‍येते जति थेबेकीराङ तेरा फाप्‍क्‍यो।

मत्ती 6:25

बात दोक ईन्‍देकी च्‍यि साच्‍ये, च्‍यि थुङच्‍ये थेमे च्‍यि खोन्‍च्‍ये सिन ख्‍योकोन पीर माकेत। च्‍यि मि जुनी भन्‍दाङ साप थुङा छ्ये ईनरो? ना जीउ भन्‍दाङ खोन्‍च्‍येतेका छ्ये ईन्‍दे?

मत्ती 6:27

थेमे च्‍यि ख्‍योकोनगी पीर खाला खेराङ आयु टिक्‍पीई रीम्‍बु ओङगोतरो? अहँ, थोकनी बान्‍दा मेङगो।

मत्ती 6:31

थोगी च्‍यि खोन्‍च्‍ये, चुक खाला साप थुङा ङेदोङा सिन पीर खिता थोङ।

लूका 10:41

थोक सिरजीन प्रभु येशूकी “फुमो, खोनी साच्‍या थुङच्‍याताङ ज्‍येन ज्‍येन कामगी पीर खिदुक। खो च्‍यिला दोक आउदी खाला दोक्‍ते बातकी पीर खिते?

लूका 12:11

थेमे ङे मि ईन्‍देकी खित्‍सादु ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बे छ्ये छ्ये मि थेमे गेल्‍बोताङ ज्‍येन छ्ये छ्ये मि दोन्‍दु बात ठाप्‍ला खेरग्‍यो। थोक खित्‍जीन च्‍यि सिरच्‍ये, चुक सिरच्‍ये सिन ख्‍योकोन ज्‍यीबा माकेत।

लूका 12:22

थेरूकी येशूकी चेलातेबाला “बात दोक ईन्‍देकी च्‍यि साच्‍ये थेमे च्‍यि खोन्‍च्‍ये सिन ख्‍योकोन पीर माकेत।

लूका 12:27

थेमे पाङगी नाङला फोङा ओताते लिली मेन्‍दोकलाराङ तो। दि मेन्‍दोकतेबा थोई लेमु दुका। मिकी दुक्‍पा खाला खोलाक खोन्‍दाच्‍योक लेमु ओङाला दि मेन्‍दोककी छ्याःङ खिता माफाबो। थेमे दि बात छ्या ओत? थाङबो सोलोमन गेल्‍बो थोक छ्युक्‍पु ओत्‍कीन आउदी लेमु लेमु खोलाक खोन्‍जीनोङ होदोक्‍ते मेन्‍दोकज्‍यीक छेदोङ लेमु थोङा मेतान।

लूका 3:11

थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।

१ पत्रुस 5:7

थेमे खेराङ पीरताङ ताप जति गाङे थेलाराङ सि। च्‍यिला सासीन ख्‍योकोनला लेमु खाला ताकान्‍ते थेराङ ईन।