मत्ती 6:26 - जिरेल

²⁶ छ्योज्‍युङमालाराङ ताला विचार खि। च्‍यि थेबेकी कहिलेबा खेतीपाती लै खाबातेताङ अन्‍ने भकारी काङाते ख्‍योकोनगी थोङा ओत? थोक माक्‍यासीनोङ स्‍वर्गने देत्‍कान्‍ते ख्‍योकोन आबा परमेश्‍वरगी थेबाला साप थुङा बिन्‍लाराङ दुक। छ्योज्‍युङमा जाबालानी परमेश्‍वरगी साप थुङा बिन्‍ला दुक सासीन ख्‍योकोनला झन मेतेरोतरो? छ्योज्‍युङमा भन्‍दानी परमेश्‍वर लाईदु ख्‍योकोन खापान खापान छ्ये ईन याङ।

मत्ती 6:26 ပူးပေါင်းရင်းမြစ်များ

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मत्ती 7:9

मिओनगी चुक खिते सिरच्‍येते बातराङ विचार खाला तोना। ख्‍योकोन नाङ सुईचेन फुज्‍युङतेकी स्‍योबेन नाङ सिरजीन लो या सो सिन दो तुला तेरगीते?

लूका 12:18

ए ङा दोक खितामीन। थरिङसाक अन्‍न ज्‍याक्‍पाते ठाउँ राम्‍ला खाम्‍बा च्‍योकराङ जोदाई ठाउँ जोला ओताते जति अन्‍न थे नाङराङ ज्‍य्‌वाबामीन।