मत्ती 6:2 - जिरेल2 थोगी ख्योकोन सुइँदेकी सुइँदा दुक्पा ङेतातेबाला खइँदा तेरजीन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगी चुक खिते सासीन खोपरोङगी चुक लेमु खाका सिन गाङेकी छ्या स्येस्यीत सिन मिटिङ खित्च्येते खाम्बे नाङला थेमे मि छ्वासा रूसाला गाङेपा थे बात गेङगो। दि बात ङेन। थोक खित्कान्ते मिओनला ज्येनगीचेन मान खिओ। तर परमेश्वरगी तेरच्येते इनामचेन थेबेकी छ्याःङ मेङेदो। အခန်းကိုကြည့်ပါ။ |
मत्ती 6:2
56 ပူးပေါင်းရင်းမြစ်များ
थेमे ङोमु नाम मुक्पेकी नाक्पो गाला थोङसीनचेन था छ्यार्बा देक्च्याक्वा सिन बात खिओ, मेन? नाम ताला ख्योकोनगी खडेरी थेन्च्येतेताङ छ्यार्बा देक्च्येते डेला थुप्कीदुक सासीन परमेश्वरगी खेराङ मिगी दोन्दुराङ खिन ओताते कामओन थोङलाङ थेकी च्यि खिन दुका सिरच्येते बातचेन ख्योकोन च्यिला छ्याःङ माखोबा च्योकराङ खाला देत्कीते?
थेबेकीनी जे खासीनोङ खोपरोङगी खाबाते काम थोङला ज्येनगी खोपरोङ परमेश्वरला आउदी खाला माने खित्कान्ते मि दुका सिरस्यीत सिरच्ये सेमगीकामा खिओ। चुक सासीन थेबेकीचेन परमेश्वर नियम टिला जोदातेन्दे जन्तर च्योक जोला पाखुराताङ टाले लाई नाङला ठाला खोन्ला ख्याम्गीदुक। थोकराङ खाला खोलाकलाङ झुम्का रीम्बुतेन्दे ताप्ला खोन्गीदुक।
थेमे बर्त देत्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगीचेन खोपरोङ बर्त देता ओताक्वा सिन ज्येनगी छ्या स्येस्यीत सिन छ्येत सेत्ला देत्क्यो। दि बात ङेन। थोक खित्कान्ते मिओनला ज्येनगीचेन मान खिओ। तर परमेश्वरगी तेरच्येते इनामचेन थेबेकी छ्याःङ मेङेदो।
प्रार्थना खित्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगी चुक खिते सासीन परमेश्वरला आउदी खाला माने खित्कान्ते ईन सिन तेन्दाला मिटिङ खित्च्येते खाम्बे नाङला थेमे मि छ्वासा रूसाला गाङेकी थोङस्यीत सिन आउदी खाला प्रार्थना खिओ। दि बात ङेन। मिओनगी थेबाला मान खिओ। तर परमेश्वरगीनी थेबे प्रार्थना ङेनराङ मेङेनो।
“धर्मे गुरूओनताङ ख्योकोन च्याङबो खाला देत। थेबेकी च्योकराङ माकेत। थेबाचेन छ्ये मि ईन सिन तेन्दाला खोलाक रीम्बुतेन्दे खोन्ला ख्याम्गीदुक। थेमे मि छ्वासा रूसाला युक्जीन ज्येनगी खोपरोङला मान खिन नमस्ते सिरजीन थेबा आउदी गा खिदुक। थोकराङ खाला मिटिङ खित्च्येते खाम्बे नाङला थेमे भोजलाङ थेबाचेन छ्ये छ्ये मि देत्च्येते ठाउँलाकामा देता छोल्गीदुक।
ज्येनला सल्लाह बिन्ला आँट तेरा थुप्कान्ते मिकी ज्येनतेबे नाङ दोक खिता फाप्क्यो। थेमे दुक्पा ङेता ओताते मिओनताङ गोला साच्येते सीप बिन्दा ओताते मिकीङ कुच्यीरी मिक्किता खाला तेरा थुपासम्म तेरा फाप्क्यो। थोकराङ खाला सुइँदाला परमेश्वरगी थे खोरोङ सन्तानओनला ताकान्ते छ्येते मि जोला दुक सासीन थोक्ते मिकीङ अल्छी मिक्किता खाला लेमु खाला थे काम खिता फाप्क्यो। नाबाते थेमे सुङ मेताते गरीब दुःखीला ताच्येते सीप ङेता ओताते मिकीङ सुइँदे करला फाप्कीन खाबाच्योक मिक्किता खाला सोचित्तेकीराङ थे काम खिता फाप्क्यो।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ကြော်ငြာတွေ