मत्ती 6:13 - जिरेल13 थेमे मेलेबा काम खित्से छ्य्वापेई ङ्योकोनला जोए खाला नाङ। मिला मेलेबा खित्कान्ते शैतान लाःक्तुकीङ खुईराङ जोए खाला नाङ। गाङेपा गाङेला राज्य खित्कान्ते खोराङ ईन। खोत्ताङ छ्येज्यीक शक्ति ओत। खुईते सधैँभरि जय जय ओङस्यीत। आमेन,’ सिन सि। အခန်းကိုကြည့်ပါ။ |
मत्ती 6:13
57 ပူးပေါင်းရင်းမြစ်များ
थेमे दुक्पेकी कि खइँदा कारणगी खित्सादु मिला खइँदा दोक खिइ खिइ सिराच्योक लाङच्येते ख्योकोनलाकामा ओङच्येते मेन। परमेश्वर थे खोरोङगी खिओ साबा च्योकराङ खित्कान्ते ईन्देकी होथोक खाला खेराङला खिइ खिइ सिराच्योक लाबाते माक्याबाला ओङराङ मेङगो सिराच्योक ओङे बेलाला थेकी ख्योकोनला पाप खित्सादुकी रोके खिओ। दोक्ते बेलाला थेकी ख्योकोनला पाप खिता माफाप्च्येते शक्ति बिन्ला थार ज्युत्क्यो।
दोस्यिककामा मेन, थेबेकीचेन था स्वर्गनेकी ग्युरला ओङगो साबाते परमेश्वर फुज्युङ येशूला ख्योकोन गुकीनराङ देत्ला दुक्लो सिरच्येते बादोङ खिदुक। थेला परमेश्वरगी स्यिसादुकी सोम्बो लोक्पा ओत। मिओनला था तिरी परमेश्वरगी स्येदाङगी चूर गाल्ला तेरच्येते सजायदुकी ङुरूङला जोए खित्कान्ते थेराङ ईन।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
लाओडिसिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन साँचोते बातकामा खित्कान्ते थेमे परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते आमेन सिराते ङा सिन ओत। परमेश्वरगी सा नाम थेमे ओताते जति गाङे ङे छ्य्वापेकीराङ जोबाते ईन।
लोईन ङे स्वर्गने ओतातेबरी, सा लुङबादु ओतातेबरी, स्यिइन सिन्दाते मिओन थेमे समुन्द्रे नाङ गाङेपा ओताते ङेपाक ओताते जति गाङेकी दोक सिन लु लाबाते थोसुङ। थेबाचेन “सिंहासन लाक्तु देत्कान्ते थेमे लुई रीउला ङ्योकोन छ्ये जोला मान खिन देत्क्यो। थेबेते सधैँभरि जय जय ओङस्यीत। थेबा ङिबोकी गाङेपा गाङेला राज्य खिनराङ देत्स्यीत,” सिन लु लिन्गीन ओतान।
ကြော်ငြာတွေ