मत्ती 6:1 - जिरेल1 थेमे ज्येन बात च्यि सासीन परमेश्वरगी खि साबा साबाच्योक खित्जीन ख्योकोनगी मिओनगी थोङला खेराङला धर्मतीते मि दुका सिरस्यीत सिरच्येते सेमगी माकेत। थोक खासीन स्वर्गने देत्कान्ते ख्योकोन आबा परमेश्वरगी ख्योकोनला छ्याःङ इनाम मेतेरो। အခန်းကိုကြည့်ပါ။ |
मत्ती 6:1
36 ပူးပေါင်းရင်းမြစ်များ
धर्मे गुरूओनताङ फरिसी पाटी मिवे, ख्योकोन चुक्तेन्दे ईन्दाका। था ख्योकोनला आउदी मेलेबा ओङगो। च्यिला सासीन चुक खाला स्वर्गे राज्यने स्यूक्पा थुप्कीते सिन ख्योकोनगी मिओनला लोपराङ मोलोप्तुक। थोक ईन्देकी मिओन थेने स्यूक्पाराङ मुथुप्तुक। दोक खाला खेराङनी थेने स्यूक्पा माङेत्सुङ माङेत्सुङ थेने स्यूक्पा सेम खित्कान्तेबालाङ ख्योकोनगी स्यूकराङ मुज्युत्तुक।
थेबेकीनी जे खासीनोङ खोपरोङगी खाबाते काम थोङला ज्येनगी खोपरोङ परमेश्वरला आउदी खाला माने खित्कान्ते मि दुका सिरस्यीत सिरच्ये सेमगीकामा खिओ। चुक सासीन थेबेकीचेन परमेश्वर नियम टिला जोदातेन्दे जन्तर च्योक जोला पाखुराताङ टाले लाई नाङला ठाला खोन्ला ख्याम्गीदुक। थोकराङ खाला खोलाकलाङ झुम्का रीम्बुतेन्दे ताप्ला खोन्गीदुक।
थेमे बर्त देत्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगीचेन खोपरोङ बर्त देता ओताक्वा सिन ज्येनगी छ्या स्येस्यीत सिन छ्येत सेत्ला देत्क्यो। दि बात ङेन। थोक खित्कान्ते मिओनला ज्येनगीचेन मान खिओ। तर परमेश्वरगी तेरच्येते इनामचेन थेबेकी छ्याःङ मेङेदो।
थेजीन ङोला ङ्वा मुथुप्च्या मि येशू खादु जम्मा ओङगीन ओतान। थे दोन्दुराङ ड्वाप सिन थेबा आउदी खाला च्येपा च्येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्याङबो खिसा है। थेबाताङनी स्योबेनला लुच्येते सोडा ओत। थेबाताङ सोडा ओत साबाते च्यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्वाकीन ज्याक्पा ओङगो।
थेबे बात थोकीन येशूकी थेबाला “ख्योकोननी परमेश्वरला छ्ये ज्वाप्ला मेन्देकी मि मिकला छारो देक्पालाका काम खित्च्येते खिदुक। ख्योकोनगी खिन ओताते काम ताला मिओनगी ख्योकोनला लेमु मि ईन सिन मान खिदुक। तर ख्योकोनगी च्यि सेमगी काम खाबाते ईन्दे सिन परमेश्वरला गाङे छ्या ओत। मिओनगी लेमु सासीनोङ ख्योकोनगी खाबाते कामनी परमेश्वरला बान्दा मन परे मिक्किओ।
थोक खाईन खोपरोङ फेरो खाङ जम्मा ओङाते मिओनला बात खिन पत्रुसकी “ए इस्राएलीवे, दि कुज्ये ख्याम्बा थुप्च्या गाला थोङजीन ख्योकोन च्यिला दोक खाला छक्क परे खिते? ख्योकोन च्यिला ख्याराच्योक खाला ङ्योकोनला तालाराङ देत्कीते? च्यि ख्योकोनगी दि मिला ङ्योकोनगी ङेराङ शक्तिकी ख्याम्बा थुप्च्या जोबाते ईन्दासीन साबाप? ना ङेत परमेश्वरला आउदी खाला माने खित्कान्ते मि ईन्देकी थोक खिता थुपासीन साबे?
बात च्यि सासीन ख्योकोनला कर लै खाला खाला जीउला खतकी चिनु ज्वा फाप्क्यो सिन सिरकान्ते मिओनगीनी खोपरोङ फाइदा ताला मिला खुशी ज्वाप्लाकामा थोक खि सिरच्येते ईन। येशू ख्रीष्टला स्यिङगी थामला टाँए खाईन सेताते बातकामा लाप्सीन ज्येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्येते ईन।
ကြော်ငြာတွေ