मत्ती 5:44 - जिरेल

⁴⁴ ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

मत्ती 5:44 ပူးပေါင်းရင်းမြစ်များ

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

शक्ति काम 16:28

पावलगी थोङगीन छेरा खिन “ए हजूर, खो थोक माकेत। ङ्योकोन सुङ छ्य्‌वाबा मेत,” सिन सासुङ।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

रोमी 12:14

थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।