मत्ती 5:42 - जिरेल

⁴² सुइँदेकी खइँदा नाङ खासीन थेबाला बिन। थेमे ऋण छ्याबा नाङ सिरकानलाङ मेतेरो मासेर, थेलाङ बिन।

मत्ती 5:42 ပူးပေါင်းရင်းမြစ်များ

मत्ती 5:41

थेमे सुइँदेकी ख्‍योकोनला जबरजस्‍ती खाईन कोस फेस्‍याकजो खेरा चाल्‍सीन थेत्ताङ कोसज्‍यीकजोराङ ग्‍युक।

लूका 11:41

दि बात खोला बरू ख्‍योकोनगी खेराङताङ ओताते साच्‍या थुङच्‍येतेबा छ्याःङ मेताते मिओनलाङ गोला बिन। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

रोमी 12:20

लोक्‍ला परमेश्‍वर बातलाराङ “खेराङला मेलेबा खित्‍कान्‍ते मि त्‍वाबा तुक्‍पाराङ देता थोङसीन थेबाला साप थुङा बिन। थेबा कोम्‍बा खाबा थोङसीन छ्यु थुङा बिन। दोक खासुङ सासीन बैगुनीलाई गुनले मार्नु पर्छ सिराच्‍योक खाला ख्‍योकोनगी थोक्‍ते मिला खर्के देक ज्‍युत्‍क्‍यो,” सिनोङ साबा ओत। बरू ख्‍योकोनगीचेन परमेश्‍वर बातला साबाच्‍योक होदोकराङ खि।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।