मत्ती 5:4 - जिरेल

⁴ पापताङ दुक्‍पेकी खित्‍सादु पीर खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला पापताङ दुक्‍पादुकी टाल्‍ला तेरग्‍यो।

मत्ती 5:4 ပူးပေါင်းရင်းမြစ်များ

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 6:21

ख्‍योकोन थरिङोला दाङच्‍या खाला साप थुङा मेङेत्‍कान्‍ते मिओन भाग्‍यमानी ईन। च्‍यिला सासीन ख्‍योकोनला गोबाते जति गाङे परमेश्‍वरगी तेरग्‍यो। ख्‍योकोन थरिङोला पीरगी ङ्वा फाप्‍कान्‍ते मिओन भाग्‍यमानी ईन। च्‍यिला सासीन तिरी ख्‍योकोन गाकी गोता ङेत्‍क्‍यो।

लूका 6:25

थेमे ख्‍योकोन थरिङोला सुबा दुला दुला सा ङेत्‍कान्‍ते मिओनला तिरी मेलेबा ओङगो। च्‍यिला सासीन था तिरी ख्‍योकोन तुक्‍पाराङ देता फाप्‍क्‍यो। थोकराङ खाला ख्‍योकोन थरिङोला किम्‍मु ङेत्‍कीन गाकी गोत्‍कीन देत्‍कान्‍ते मिओनला तिरी मेलेबा ओङगो। च्‍यिला सासीन पीरताङ दुक्‍पेकी खित्‍सादु था तिरी ख्‍योकोन ङुइन देता फाप्‍क्‍यो।

लूका 7:38

थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

लूका 7:50

येशूकीचेन थेबे बातला नामज्‍योकराङ मेसेता खाईन थे फेम्‍मे मिला लोईन “खुई खोरोङ पाप ङे माफ खिता थुप्‍क्‍यो सिन विश्‍वास खाबेकी ङे खुई पाप गाङे माफ खाबा ओत। लो था खोले खोले ग्‍युक। थेमे लेमु खाला देत,” सिन सिदुक।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।