मत्ती 5:39 - जिरेल

³⁹ ङाचेन ख्‍योकोनला च्‍यि सिते सासीन सुइँदेकी खेराङला मेलेबा खासीन ख्‍योकोनगी थेबाला स्‍येदाङ मासेत। बरू सुइँदेकी खेराङला सामे डाम्‍पापा डाम्‍स्‍याकज्‍यीक ग्‍याप्‍सीन ख्‍योकोनगी थेला ज्‍येनते डाम्‍पाङ सेत्‍ला बिन।

मत्ती 5:39 ပူးပေါင်းရင်းမြစ်များ

मत्ती 5:40

लोक्‍ला सुइँदेकी ख्‍योकोनताङ थोम्‍मु खाईन खेराङगी खोन्‍दाते फेङगाक खेरा चाल्‍सीन थेला खेराङगी लाक्‍तु खोन्‍दा ओताते कोटोङ टोल्‍ला बिन।

लूका 22:64

थे मिक उप्‍कीन थेला देगीन “थाल्‍ला खोल्‍ला देक्‍कान्‍ते सु ईन्‍दे ओना, सिते?” सिन सासुङ।

लूका 6:7

थेमे थेरू वाबा ओताते धर्मे गुरूओनताङ फरिसी पाटी मिओनचेन येशूते खइँदा दोष तेन्‍दा थुप्‍कीता सिन थेकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत। था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन गल्‍ती तेन्‍दाप सिन विचार खाईन देता ओतान।

यूहन्‍ना 18:23

थोक खित्‍जीन येशूकी “ङे खइँदा गल्‍ती बात खासीन दि गल्‍ती खासुङ सिन सि। ङे साबाते बात ठीकराङ ईन्‍सीन खो च्‍यिला ङाला दुङगीते?” सिन सिदुक।

१ कोरिन्‍थी 6:7

थोक खाला दाक्‍पोन नाङ मिडिक्‍च्‍येते थेमे थोम्‍मु खित्‍च्‍येते ख्‍योकोनला सोई मिक्‍किच्‍येते बात ईन। मुद्धा रीला भन्‍दानी बरू ज्‍येनगी अन्‍याय खासीनोङ थेमे खेराङते खइँदा ठ्वासीनोङ खाराक्‍पाराङ देता लेमु मेनरो?

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

हिब्रू 12:4

स्‍यिसीनोङ ङा दोक पाप खितराङ मिक्‍किओ सिन पाप खित्‍च्‍ये छ्य्‌वापेई ठाला छोल्‍जीन थोरूमसाक ख्‍योकोन पापीओन लाःक्‍तु फाप्‍कीन स्‍यापराङचेन फापा मेत।

याकूब 5:6

ख्‍योकोनगी छ्याःङ खिता मुथुप्‍कान्‍ते सुधोते मिओनला थाराङ दोष लै खाईन सेत्‍सुङ। थेबेकी ख्‍योकोनला छ्याःङ मेलेबा खाबा मेतान।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।