मत्ती 5:30 - जिरेल30 थोकराङ खाला खेराङ सामे लाक्पेकी खित्सादु पाप खासुङ सासीन ख्योकोनगी थे लाक्पाराङ तुप्ला क्युर। लाक्पाज्यीगी खित्सादु नरककुण्डमा स्यूक्पा भन्दानी डुँरे गाल्ला देता काल्बेई लेमु ईन। အခန်းကိုကြည့်ပါ။ |
मत्ती 5:30
19 ပူးပေါင်းရင်းမြစ်များ
ईन्सीनोङ ङुरूङगी मन्दिर तिरो माच्याल्सुङ सिन थेबा ङुरूङताङ स्येदाङ मिक्किस्यीत सिन खुई चुक खिसे सासीन खो दुरूकी गाल्ला च्याला समुन्द्रदु बर्सी थोङ। थेरू थोङला बर्सीला थेपाते ङ्या थेन्ला ठोल। खुई थे ङ्ये खे नाङ मन्दिर तिरो छ्योल्च्याज्यीक चाँदी डबल ङेत्क्यो। थेराङ खेरला ङुरूङ ङिबो छ्य्वापे मन्दिर तिरो छ्योल,” सिन सिदुक।
ङा ख्योकोनला च्यि सिते सासीन ख्योकोनगी खेराङ लाक्पेकी खित्सादु मेलेबाते काम खासुङ सासीन थे लाक्पा तुप्ला क्युर। काम्बेकी खित्सादु थोक खासीन काम्बाराङ तुप्ला क्युर। दोक माक्यासीन ख्योकोननी नरककुण्डमा मे नाङमा स्यूइओ। थेमा सधैँ बारगीन देत्च्येते मे नाङमा स्यूक्पा भन्दानी ठुटे डुँरे गाल्ला नोमुङ मिसिन्च्येते जुनी ङेत्ला स्वर्गने देता काल्बेई लेमु ईन।
ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
थेमे ख्योकोनगी खेराङ लाक्पेकी खित्सादु मेलेबाते काम खासुङ सासीन थे लाक्पा तुप्ला क्युर। थोक माक्यासुङ सासीन ख्योकोननी नरककुण्डमा मे नाङमा स्यूइओ। नरककुण्डमा सधैँ बारगीन देत्च्येते मे नाङ स्यूक्पा भन्दानी ठुटे डुँरे गाल्ला नोमुङ मिसिन्च्येते जुनी ङेत्ला स्वर्गने देता काल्बेई लेमु ईन।
ङाला विश्वास खित्कान्तेबे नाङ दिङ सु ईन्देरो सिराच्योक खाईन ज्येनगी हेपे खाबाते मिज्यीकलाकामा ङे छ्य्वापेई टाल्सुङ सासीन थोक खित्कान्तेकी आउदी ज्यीबा लाङच्या मेलेबा काम खाबाते ईन। सुइँदाला ङे छ्य्वापेई डेला भन्दा गोमाराङ थोक खित्कान्ते मिलानी सुइँदेकी ज्यीङबामा लाकोर दो काल्गीन नुप्ला स्यिरस्यीत सिन समुन्द्रे नाङमा युकीन क्युरा ईन्सीन लेमु ओङच्या ओतान।
होथे दोई बात खिन परमेश्वरगी थे खोरोङ बातला दोक सिन साबा ओतान। चुक सासीन “लो दि बात लेमु खाला ङेन। ङा सियोन सारदु दोज्यीक ज्य्वाक्यो। थे दोला मिओन नार्दोक देइओ। ङे थेरू ज्याक्पाते दोला मिओन ठोके खाला रिल्ग्यो। परमेश्वरगी सियोन सारदु ज्याक्पाते दो साबाते मिकीकामा ङुरूङला लेमु खिता थुप्क्यो सिन थेला विश्वास खित्कान्ते मिओनला थेकी नोमुङ ङोचा मोलोङो,” सिन साबा ओतान।
थेमे आज्यो न्वावे, गा लाङच्येते बात लोप्जीन ङेङ यहूदीओनगी जीउला ज्वा फाप्च्येते खतकी चिनु ज्वापराङ फाप्क्यो सिन थोरूमसाक लोप्कीन ओता ईन्सीन थरिङसाकराङ यहूदीओनगी च्यिला ङाला खेदा खाला खाला दुक्पा तेरगीका ओना? ङेङ थेबेकी साबा च्योकराङ खित्च्येते ईन्दा ईन्सीन येशू ख्रीष्ट स्यिङगी थामला टाँए खाईन स्याप्की खित्सादुकामा परमेश्वरगी मिला दोषी मेन सिओ सिन ङे लोप्कीन ओताते बातकीते थेबा सुङगीङ दोक खाला विरोध खित्च्याराङ मेतान।
ကြော်ငြာတွေ