मत्ती 5:29 - जिरेल29 थोगी खेराङ सामे मिगी तासादु पाप खासुङ सासीन ख्योकोनगी थे मिकराङ थेन्ला क्युर। मिकज्यीगी खित्सादु नरककुण्डमा स्यूक्पा भन्दानी काने गाल्ला देता काल्बेई लेमु ईन। အခန်းကိုကြည့်ပါ။ |
ईन्सीनोङ ङुरूङगी मन्दिर तिरो माच्याल्सुङ सिन थेबा ङुरूङताङ स्येदाङ मिक्किस्यीत सिन खुई चुक खिसे सासीन खो दुरूकी गाल्ला च्याला समुन्द्रदु बर्सी थोङ। थेरू थोङला बर्सीला थेपाते ङ्या थेन्ला ठोल। खुई थे ङ्ये खे नाङ मन्दिर तिरो छ्योल्च्याज्यीक चाँदी डबल ङेत्क्यो। थेराङ खेरला ङुरूङ ङिबो छ्य्वापे मन्दिर तिरो छ्योल,” सिन सिदुक।
मिकी फाङमा मिक्किच्येते कारण खुदुक खुदुक ओङगो। च्यि सासीन कोईचेन केजीनमेईराङ फेम्मे मित्ताङ ङ्योम्बु देता मुथुप्च्या ओङगीन केबेकी खित्सादु थेबा फाङमा मिक्किता खाला देत्क्यो। कोईलाचेन गोमा सरसौंदोराङ ओत्सीनोङ तिरीकामा ज्येन मिकी फेम्मे मित्ताङ ङ्योम्बु देता मुथुप्च्या जोबेकी होथोक्तेबेकीङ फाङमाराङ मिक्किओ। तर कोईचेन जुनी खाङ स्वर्गे राज्य कामकामा खिता थुप्स्यीत सिनोङ फाङमा मिक्किता खाला देत्च्येते ईन। फाङमा मिक्किता खाला देत्च्येते बात थोक मिक्किता खाला देता थुप्कान्तेबे लाईदुकामा ईन,” सिन सिदुक।
ख्योकोन चुक्तेन्दे ईन्दाका। था ख्योकोनला आउदी मेलेबा ओङगो। ज्येन जातकी मि दोक्पोईलाकामा ईन्सीनोङ दाक्पोन यहूदी धर्मला लै खित ज्युताप सिन ख्योकोन दुक्पा खाला थारी थारीसाक डुइदुक। थेमे थोक्ते मि सुइँदा यहूदी धर्मे छ्य्वापा लै खानामेकी ख्योकोनगी थेला खेराङ भन्दाङ झन मेलेबा खित्कान जोइदुक। दोक खाला ख्योकोनगी थेलानी खेराङ भन्दाङ झन मेलेबा खित्कान जोला खेराङ च्योकराङ नरककुण्डमा स्यूक ज्युत्कीदुक।
ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
लोक्ला दि बादोङ ङुरूङला छ्या ओत। च्यि सासीन ख्रीष्टला स्यिङगी थामला टाँए खाला सेत्जीन ङुरूङते मेलेबा कामताङ बात खित्च्येते बानी खुदुक गाल्ला पाप खिता तोङस्यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्योक खाला पाप खिन देताराङ माफाबो।
येशू ख्रीष्टताङ जीउज्यीकराङ ओङाते मिओनगीचेन थानामेई थोक मिक्किओ सिन दाक्पोन खुशीला ख्याम्च्येते बानी येशू ख्रीष्ट टाँए खाईन स्याप्ते स्यिङगी थामला टाँए खाईन सिन्दा ओत। थोक खाईन दाक्पोन खुशीला ख्याम्च्येते बानी ताङगीन सिन्दा ओतेकी था थेबेकी दाक्पोनला च्यि च्यि खिता सेम लाङगीका थोकराङ खिता माफाबो।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।