मत्ती 5:22 - जिरेल22 ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ। အခန်းကိုကြည့်ပါ။ |
मत्ती 5:22
93 ပူးပေါင်းရင်းမြစ်များ
ख्योकोन चुक्तेन्दे ईन्दाका। था ख्योकोनला आउदी मेलेबा ओङगो। ज्येन जातकी मि दोक्पोईलाकामा ईन्सीनोङ दाक्पोन यहूदी धर्मला लै खित ज्युताप सिन ख्योकोन दुक्पा खाला थारी थारीसाक डुइदुक। थेमे थोक्ते मि सुइँदा यहूदी धर्मे छ्य्वापा लै खानामेकी ख्योकोनगी थेला खेराङ भन्दाङ झन मेलेबा खित्कान जोइदुक। दोक खाला ख्योकोनगी थेलानी खेराङ भन्दाङ झन मेलेबा खित्कान जोला खेराङ च्योकराङ नरककुण्डमा स्यूक ज्युत्कीदुक।
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
थेमे यहूदीओन च्यिला पावलताङ थोक खाईन स्येदाङ खाबाते ईन्दाका सिन छ्या स्येबाला ङारो च्योक्ते थे मिल्टेरी छ्येते मिकी किल्सादुकी थेला तेन्सुङ। थेमे छ्ये छ्ये पूजारी, धर्मे गुरूओन थेमे यहूदीओनते ज्येनोङ छ्ये छ्ये मि गाङेराङ रूला छलफल खित ज्युत्च्या सिन थेबाबरीला कातोङ ताङगीन थेला थेबा गाङे रूसादु क्याल्सुङ।
थेमे थेबाङ ङारो च्योक्ते ङोमुका मन्दिरपा गाल्गीन थे दूतकी साबा च्योकराङ खाईन मिओनला लोपाला स्यूसुङ। थेमे गाङे भन्दा छ्येते पूजारीताङ थे र्वाओनगी छ्ये छ्ये पूजारी, धर्मे गुरूओन थेमे ज्येनोङ छ्ये छ्ये मि गाङेला काताङसुङ। दोक खाईन थेबेकी इस्राएलीओन छ्ये छ्ये मि गाङेला जम्मा खासुङ। थेमे थेबेकी येशू ख्रीष्टकी खटे खाबाते मिओनला खोपरोङ दोन्दु खोरच्योक सिन पुलिसओनला जेलदु ताङसुङ।
थेमे ख्योकोन सुङगीङ येशूला विश्वास खित्कान्ते ज्येन मि फेम्मेताङ खिता मेङच्येते काम खाला थे ख्योबोला सोम्बोलाराङ सबी चावादु लुच्येते काम माकेत। होथोक्ते मेलेबाते काम जे खासीनोङ थोक खित्कान्तेबाला प्रभु येशूकी सजाय तेरग्यो। थोगी ख्योकोन च्याङबो खि सिन ङ्योकोनगी ख्योकोनला गोमाकाराङ लाःपा ओत।
थेमे ख्योकोन सुइँदेकी खेराङ आज्यो न्वा सुइँदेकी पाप खिता थोङसीन थेमे थे पाप खाबेकी थे स्यिला नरककुण्डमा स्यूक्पा फाप्च्या मेत्सीन ख्योकोन थोक खिता थोङकानगी परमेश्वरगी थेला थारच्येते लाम तेरस्यीत सिन प्रार्थना खि। दोक खाईन प्रार्थना खानामेई परमेश्वरगी थेला नोमुङ मिसिन्च्येते जुनी मेतेरो सिन मिसिरो। ङे थोक्ते मि लाईदु प्रार्थना खि साबातेचेन खालि पाप खाबेकी खित्सादु स्यिला नरककुण्डमा स्यूक्पा माफाप्कान्ते मि लाईदुकामा ईन। पाप खाबेकी स्यिला नरककुण्डमा स्यूक्पा फाप्कान्ते मि लाईदु थोक खि सिनचेन ङे साबाते मेन। च्यिला सासीन दोक्ते पापोङ ओङगो, थे पाप खित्कान्ते मिचेन स्यिला नरककुण्डमा स्यूइओ।
ကြော်ငြာတွေ