मत्ती 5:19 - जिरेल19 थोगी ख्योकोन सुइँदेकी थे नियम नाङ दिनी माङेन्सीनोङ ओङगीतासीन सिराच्योक लाङच्येते नियमज्यीककामा माङेन्सीन थेमे ज्येनलाङ थे माङेन्सीन ओङगो सिन लाप्सीन थोक्ते मिला स्वर्गे राज्यदु छ्ये ईन सिन मिसिरो। थोक मिक्किता खाईन होथोक्ते नियमतेबाङ ङेन्गीन ज्येनलाङ ङेन सिन लोप्कान्ते मिलाचेन स्वर्गे राज्यदु छ्ये ईन सिन सिओ। အခန်းကိုကြည့်ပါ။ |
मत्ती 5:19
38 ပူးပေါင်းရင်းမြစ်များ
थोक सिरजीन थेकी चेलातेबा गाङेला “ईन ईन, ख्योकोनगी च्यि खाबा ओते सिन ङाला गाङे छ्या ओत। ङा ख्योकोनला चुक सिते सासीन दि जुग सिन्गीन स्वर्गे राज्य पूरो खाईन वानामेई परमेश्वर ओत्सादुई वाबाते मि ङा गेल्बो देत्च्येते सिंहासनदु देत्ला राज्य खित्जीन ख्योकोनगीङ सिंहासन च्युन्ङी लाक्तु देत्ला ङात्ताङराङ राज्य खिता ङेत्क्यो। थेमे ख्योकोनगी इस्राएलीओन थर च्युन्ङीला राज्य खाला न्याय खिओ।
था ख्योकोनला आउदी मेलेबा ओङगो। ख्योकोनचेन परमेश्वरगी साबाते आउदी खाला ङेन्च्या सिन बाबरी, आरूद थेमे ज्येनतोक मसालेते समेदोङ बो च्युताम्बेते बोज्यीक टाल्ला परमेश्वरला चढे खिदुक। तर ज्येनला लेमु खिता ठाउँदु ख्योकोननी थेबाला ठगेका खिदुक। थेमे परमेश्वरला ङिङज्येङ मिक्किदुक। थोगी ख्योकोनगी परमेश्वरला ङिङज्ये खि, ज्येनला लेमु खि। बो च्युताम्बे नाङ बोज्यीक परमेश्वर लाईदु डेल्च्येतेङ मातोङ।
तर खोचेन परमेश्वरगी खि साबाते काम खित्कान्ते मि ईन। थोगी खुई थोक्ते मेलेबा काम छ्याःङ माकेत। खुईचेन परमेश्वरगी खि साबा च्योकराङ खिन देत, थेला चुक खाला माने खिता फाप्च्येते ईन्दे थोकराङ खाला माने खि, येशू ख्रीष्टला विश्वास खिन देत। दोस्यिककामा मेन, ज्येनला ङिङज्ये खि, दुक्पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्च्ये छ्य्वापाकामा सेम लै खि।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
ကြော်ငြာတွေ