मत्ती 5:17 - जिरेल

¹⁷ थेमे मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी साबाते बात था माङेन्‍सीनोङ ओङगो सिन लोपाला ङा दुरू वाबाते ईन्‍दासीन सिन ख्‍योकोन विचार माकेत। ङानी होथे नियम गाङे ङेन्‍दाला थेमे थेरू खि साबाच्‍योक खित्‍च्‍या सिराते च्‍यि ईन्‍दे सिन लोपालाका वाबाते ईन।

मत्ती 5:17 ပူးပေါင်းရင်းမြစ်များ

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

मत्ती 7:12

थेमे ख्‍योकोन खेराङला ज्‍येनगी चुक खित्‍स्‍यीत सिन सेम खिते, थेबालाङ थोकराङ खि। मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी खि साबाते छ्येते बात दिराङ ईन।

लूका 16:17

परमेश्‍वर नियम बात खित्‍जीन ङा ख्‍योकोनला च्‍यि सिते सासीन बरू साताङ नाम नाश गाल्‍ला तोरला गालोङ, परमेश्‍वर नियमचेन टेक्‍टेस्‍यिकराङ ईन्‍सीनोङ नोमुङ खुदुक मोन्‍डोओ।

यूहन्‍ना 8:5

मोशेकी टिबाते परमेश्‍वर नियमला दोक्‍ते फेम्‍मे मिला दोईकी ग्‍याप्‍ला सेत सिन ङ्योकोनला साबा ओत। था खोचेन दिला च्‍यि खि सिन सिते?” सिन सासुङ।

शक्ति काम 18:13

थेमे थेबेकी थे हाकिमला “हजूर, दि मिकी परमेश्‍वरला माने खिताला दोक दोकका खिता फाप्‍क्‍यो सिन नियमताङ डिकराङ मिडिक्‍च्‍येते मेन्‍दा मेन्‍दे बात दुरू मिओनला लोप्‍कीदुक,” सिन सासुङ।

शक्ति काम 21:28

“ए आज्‍यो न्‍वावे, लो गाङेराङ छिटो स्‍योक। था दिला ठीक पारे खिता फाप्‍क्‍यो। गाङेपा युला ङुरूङ जातकी विरोध खित्‍कान्‍ते दिराङ ईन। गाङेपे मिला परमेश्‍वर नियम ङेन्‍दा थोङ सिन सिरकान्‍ते, परमेश्‍वर मन्‍दिर छ्याःङ मेन सिन लोप्‍कीन ख्‍याम्‍कान्‍ते दिराङ ईन। दोस्‍यिककामा मेन, दिकी आनाङ भर्खरकामा ग्रीकओनलाङ दि मन्‍दिर नाङ लुगीन मन्‍दिरराङ बिटुले खादुक,” सिन छेरा खासुङ।

शक्ति काम 6:13

थेमे स्‍तिफनसकी खाराङ माक्‍याबाते बात खाबाते ईन सिसा सिन लुबाते मिओनलाङ थेरू काताङसुङ। वाकीन थेबेकीचेन गाङे ङोन्‍दु “दि मित्ताङ गाङेकी च्‍याङबो खिता फाप्‍च्‍या दुक। दिकी परमेश्‍वर मन्‍दिर छ्याःङ मेन सिराच्‍योक खाला बात खिदुक। थेमे मोशेकी बिन्‍दाते परमेश्‍वर नियमताङ मिडिक्‍च्‍येते बात खिदुक।

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

रोमी 8:4

दोक ओङा ओतेकी थाचेन ङुरूङगी परमेश्‍वर नियमला खि साबातेताङ माकेत साबाते गाङे साबा च्‍योकराङ खिता थुप्‍क्‍यो। था ङुरूङ गोमाबा च्‍योकराङ दाक्‍पोन खुशीला माख्‍यामो। बरू परमेश्‍वर आत्‍मेकी चुक खित ज्‍युता छोल्‍गीका थोकराङ खिओ।