थेबेकीनी जे खासीनोङ खोपरोङगी खाबाते काम थोङला ज्येनगी खोपरोङ परमेश्वरला आउदी खाला माने खित्कान्ते मि दुका सिरस्यीत सिरच्ये सेमगीकामा खिओ। चुक सासीन थेबेकीचेन परमेश्वर नियम टिला जोदातेन्दे जन्तर च्योक जोला पाखुराताङ टाले लाई नाङला ठाला खोन्ला ख्याम्गीदुक। थोकराङ खाला खोलाकलाङ झुम्का रीम्बुतेन्दे ताप्ला खोन्गीदुक।
मत्ती 5:16 - जिरेल16 बात दोक ईन्देकी ख्योकोनगी लेमु काम खि। ख्योकोनगी खाबाते लेमुते काम थोङला परमेश्वरगी खित्सादुराङ ख्योकोनगी थोक खाबाते ईन सिन छ्या स्येला मिओनगी स्वर्गने देत्कान्ते ख्योकोन आबा परमेश्वरला मान खिओ। အခန်းကိုကြည့်ပါ။ |
मत्ती 5:16
42 ပူးပေါင်းရင်းမြစ်များ
थोक खासीन ख्योकोनला स्वर्गने देत्कान्ते ख्योकोन आबा परमेश्वर फुज्युङ फुमु ईन सिरा सोई खिओ। च्यिला सासीन परमेश्वरगी लेमु काम खित्कान्ते ईन्सीनोङ मेलेबा काम खित्कान्ते ईन्सीनोङ, थेकी साबा साबाच्योक खित्कान्ते ईन्सीनोङ थोक मिक्किकान्ते ईन्सीनोङ मि गाङे लाईदु ङीमा स्यार च्युत्ला थेमे छ्यार्बा देक च्युत्ला गाङेला ङिङज्ये खिओ।
थेमे बर्त देत्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगीचेन खोपरोङ बर्त देता ओताक्वा सिन ज्येनगी छ्या स्येस्यीत सिन छ्येत सेत्ला देत्क्यो। दि बात ङेन। थोक खित्कान्ते मिओनला ज्येनगीचेन मान खिओ। तर परमेश्वरगी तेरच्येते इनामचेन थेबेकी छ्याःङ मेङेदो।
दोस्यिककामा मेन, थेबाचेन लेमु कामगी लाईदु मिन चले खाबाते मि ओङा फाप्क्यो। थोक साबाते च्यि सासीन फुज्युङ फुमुला लेमु खाईन हुर्के खाबाते, खाम्बादु वाबाते मिला लेमु खित्कान्ते, परमेश्वर सन्तानओन खाम्बादु ओङजीन काम्बा टुला तेरकान्ते, दुक्पा ओताते मिओनला ताकान्ते थेमे ज्येनोङ होदोक्ते लेमुते काम खित्च्ये छ्य्वापा स्येत खिन देताते फेम्मे मि ओङा फाप्क्यो।
परमेश्वरला छ्या मेस्येकान्ते खेराङला मेलेबा मि ईन सिरकान्ते मिओन नाङराङ देता ओत्सीनोङ काम बात जे खित्जीनोङ ख्योकोनगी लेमुतेकामा खि। दोक खाईन ख्योकोनगी लेमुकामा खानामेई था परमेश्वरगी वाला मि गाङे न्याय खिते छोमु ख्योकोनला मेलेबा मि सिन सिरकान्ते होथे मिओनगी ख्योकोन थोक्ते मि मेन्दाक्वा सिन छ्या स्येला परमेश्वरते जय जय खिओ।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
ख्योकोनगी काम बात जे खित्जीनोङ हत्तेरिका ङे थोक खिता ओङच्या मेतान सिराच्योक लाङच्येते छ्याःङ माकेत। दोक्ते काम मिक्किता खाईन देत्सीन खेराङ ख्रीष्टकी मि ईन्गीन लेमु कामताङ बातकामा खाबा ओत्सीनोङ मेन्दा मेन्दे बात खाला खेराङला दोष लै खित्कान्ते मिओनगी खोपरोङगी ख्योकोन लेमु मि मेन साबाते बात ठीक मेन्दाक्वा सिन छ्या स्येला ङोचेकी खाराक्पा देत्क्यो।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ကြော်ငြာတွေ