मत्ती 5:15 - जिरेल

¹⁵ थेमे बत्ती पारला च्‍याला सुङगीङ फामगी उप्‍ला मोज्‍योओ बरू खाम्‍बे नाङ गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो, मेन ओना?

मत्ती 5:15 ပူးပေါင်းရင်းမြစ်များ

मर्कूस 4:21

येशूकी थेबाला बात खिन “थोरूमोङ ज्‍येन बात च्‍यि सासीन च्‍यि सुइँदेकी बत्ती पारला च्‍याला फामगी उप्‍ला ज्‍य्‌वाक्‍यो? ना खाटकी चावादु बोङगीते? बरू गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो, मेन?

लूका 11:33

थोरूमोङ बात च्‍यि सासीन बत्ती पारला च्‍याला सुङगीङ खइँसाला मोबोङो, फामगी उप्‍लाङ मोज्‍योओ। बरू नाङने स्‍यूक्‍कान गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो।

लूका 11:36

च्‍याङबो खाईन देत्‍कीन मुन्‍दाकला मेन्‍देकी नाम्‍दाकलाकामा देत्‍सीन ख्‍योकोनगी खालि लेमुकामा खिता थुप्‍क्‍यो। दोक लेमु खिता थुप्‍च्‍येतेचेन ख्‍योकोनला बत्ती नाम्‍दाक फोक्‍पा च्‍योक्‍ते ईन,” सिन सिदुक।

लूका 8:16

थोरूमोङ ज्‍येन बात च्‍यि सासीन बत्ती पारला च्‍याला सुङगीङ खइँदा नोतकी उप्‍ला मोज्‍योओ, खाटकी चावादुङ मोबोङो। बरू नाङने स्‍यूक्‍कान गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो, मेन?

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

हिब्रू 9:2

थे पालला ठाउँ ङिदु पर्देकी क्‍योरगीन कोठा ङि जोबा ओतान। गोमे कोठे नाङ बत्ती पारला ज्‍य्‌वाच्‍येते सामदान सिराते थेमे स्‍योबेन चढे खित्‍च्‍येते टेबल ओतान। दि कोठालाचेन परमेश्‍वरला चढे खित्‍च्‍येतेबा चढे खित्‍च्‍येते चङगेते ठाउँ सिन ओतान।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।