मत्ती 5:10 - जिरेल

¹⁰ परमेश्‍वरगी खि साबा साबाच्‍योक खित्‍जीन ज्‍येनगी खेदापानी खाबाते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

मत्ती 5:10 ပူးပေါင်းရင်းမြစ်များ

मत्ती 10:23

थोक खाला मिओनगी ख्‍योकोनला सारज्‍यीक्‍तु दुक्‍पा तेरजीन थेरू मादेत, ज्‍येनज्‍यीक सारनापा फ्रोला ग्‍युक। ङा दि बात सिओ, ख्‍योकोनगी दाक्‍पोन इस्राएल लुङबे सार सारगी मिला स्‍वर्गे राज्‍य बात लाप्‍कीन मासिन्‍दालाराङ परमेश्‍वर ओत्‍सादुई वाबाते मि ङा दुरू ग्‍युरला ओङगो।

मत्ती 19:14

तर येशूकीचेन “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ स्‍वर्गे राज्‍यने स्‍यूक्‍पा ङेत्‍क्‍यो,” सिन सिदुक।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 5:3

थेकी थेबाला “ङा ङाराङ ईन सिराच्‍योक मिक्‍किता खाला परमेश्‍वरला मद्धत नाङ सिरकान्‍ते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

मर्कूस 10:14

चेलातेबेकी थोक खाबाते येशूला लेमु मालाकीन स्‍येदाङ लासुङ। थेमे थेकी थेबाला “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ परमेश्‍वर राज्‍यने स्‍यूक्‍पा ङेत्‍क्‍यो।

मर्कूस 10:30

परमेश्‍वरगी दि जुनीलाङ आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। ईन्‍दानी थेबाला किम्‍मु मेङगो। ज्‍येनगी थेबाला दुक्‍पा तेरग्‍यो। था ओङच्‍येते सत्‍य जुग वानामेई थेबेकी नोमुङ मिसिन्‍च्‍येते जुनीङ ङेत्‍क्‍यो।

लूका 21:12

थोक थोक ओङा भन्‍दा गोमा मिओनगी ख्‍योकोनला जुम्‍ला आउदी दुक्‍पा तेरग्‍यो। थेबेकी ख्‍योकोनला मिटिङ खित्‍च्‍येते खाम्‍बादु ओताते अड्डे मि दोन्‍दु केल्‍ग्‍यो। थेमे जेलदुङ लु ज्‍युत्‍क्‍यो। दोस्‍यिककामा मेन, ख्‍योकोनला गेल्‍बोओनताङ रोमी गेल्‍बो हाकिमओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ।

लूका 22:29

आबेकी ङाला राज्‍य खित्‍च्‍येते अधिकार बिन्‍दा च्‍योकराङ था ङाङ ख्‍योकोनला राज्‍य खित्‍च्‍येते अधिकार तेरग्‍यो।

लूका 6:20

थेरूई येशूकी थेरू ओताते गाङे चेलातेबा ओत्‍सापाला ताकीन दोक सिन बात खिताला स्‍यूसुङ। थेकी थेबाला “ख्‍योकोन दुक्‍पा ङेताते मिओन भाग्‍यमानी ईन। च्‍यिला सासीन ख्‍योकोन परमेश्‍वर राज्‍यदु स्‍यूला थेरू देता ङेत्‍क्‍यो।

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

शक्ति काम 5:40

थेकी साबाते बात थेरू ओताते छ्ये छ्ये मि गाङेला सेमला गाल्‍सुङ। थेमे थेबेकी येशू ख्रीष्‍टकी खटे खाबाते मिओनला लोईन नाङने काताङगीन पुलिसओनला दुङ च्‍युत्‍कीन च्‍याकीन “लो थरिङमेकी लोक्‍ला नोमुङ येशू बात छ्याःङ सुङलाङ मालोप। दि बात लोपा मेङगो,” साकीन थेरूकी ताङसुङ।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

फिलिप्‍पी 1:28

खेराङ विरोध खित्‍कान्‍ते मिओनगी ख्‍योकोनला जति ज्‍यीबा लाङसीनोङ थेबाताङ छ्याःङ ज्‍यीबा माकेत। जति दुक्‍पा तेरजीनोङ ख्‍योकोनगी गा लाङच्‍येते बात ङेन्‍गीन देता थोङजीन थेबेकी ख्‍योकोनला ग्‍याला मुथुप्‍च्‍याक्‍वा, दोक खाबेकी था परमेश्‍वरगी खोपरोङला सजाय तेरग्‍यो सिन छ्या स्‍येक्‍यो। थेमे ख्‍योकोनगीचेन होथेबेकी च्‍योक खाला नोमुङ पापकी सजाय भोगे खिता माफाबो सिन छ्या स्‍येक्‍यो।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 5:11

जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

१ यूहन्‍ना 3:12

ङुरूङगी कयिनगी खाबाच्‍योक खिता मेङगो। मिला मेलेबा खित्‍कान्‍ते शैतानताङ डिक्‍कान्‍ते ईन्‍देकी थेकी थे खोरोङ न्‍वालाराङ सेता ओतान। थेकी च्‍यिला न्‍वातेला सेता ओताने छ्या ओत? न्‍वाते च्‍योक खाला लेमुते कामताङ बात खित्‍कान्‍ते मि मेन्‍देकीराङ थेकी न्‍वातेला सेता ओतान।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।