मत्ती 4:7 - जिरेल

⁷ थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन सिदुक।

मत्ती 4:7 ပူးပေါင်းရင်းမြစ်များ

मत्ती 21:16

थेमे थेबेकी येशूला “दि फिजाओनगी दोक खाला छेरा खाला खाला खोल्‍ला च्‍यि सिन दुका, खुई मोथोदुक?” सिन सिदुक। थोक सिरजीन थेकी “थोसुङ थोसुङ, थेबेकी साबाते ङे लेमु खाईन थोसुङ। च्‍यि ख्‍योकोनगी परमेश्‍वर बातला टिबाते दि बात नोमुङ पढे खाबा मेतरो? थेरूचेन ‘टेक्‍टेतेन्‍दे फिजाताङ नुमा थुङकान्‍तेबा समेतकीङ परमेश्‍वर खुईते जय जय ओङस्‍यीत सिन खोल्‍ला छ्ये जोइओ। खुईराङ थेबाला थोक खित ज्‍युत्‍च्‍येते ईन,’ सिन साबा ओत,” सिन सिदुक।

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

मत्ती 4:4

थोक सिरजीन येशूकी “ङा दोक मिक्‍किओ। च्‍यिला सासीन परमेश्‍वर बातला ‘मि जुनीला गाङे भन्‍दा छ्येते बात साच्‍या थुङच्‍येते मेन, बरू परमेश्‍वरगी च्‍यि च्‍यि सिका थे थेराङ ङेन्‍च्‍येते ईन,’ सिन साबा ओत,” सिन सिदुक।

लूका 4:12

थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन थेकी खि साबाते छ्याःङ माङेन्‍सुङ।

शक्ति काम 15:10

था परमेश्‍वरगीराङ दोक खानामेकी ख्‍योकोनचेन च्‍यिला परमेश्‍वर भन्‍दाङ छ्ये ओङला थेबाला मोशेकी टिबाते परमेश्‍वर नियम ङेन्‍दा फाप्‍क्‍यो सिते? दोक खाला ख्‍योकोन च्‍यिला खुरा मुथुप्‍च्‍येते खुर्बु कुराच्‍योक खाला ङुरूङ ज्‍युज्‍यु पुर्खाताङ ङुरूङगी ङेन्‍दा माथुपाते नियम थेबाला ङेन ज्‍युता छोल्‍गीते?

शक्ति काम 5:9

थेमे पत्रुसकी थेलाङ “ख्‍योकोन ङिबोकी डिगीन च्‍याकीन ख्‍योकोनगी ढाँर खाबाते बात प्रभु येशू आत्‍मेकी च्‍यि छ्या स्‍येओङारो सिन चुक खाईन विचार खिता थुप्‍सुङा? लो खुई ख्‍योबोला दिक गालाते मिओन ग्‍युरगीन उथेमा गोई खादु लेप्‍सुङ। था थेबेकी खोल्‍लाङ खेरला दिइओ,” सिन

१ कोरिन्‍थी 10:9

थेमे थेबा लाला लालेकी खाबाच्‍योक ङुरूङगीङ प्रभु परमेश्‍वरगी दोक खित्‍च्‍या ईन्‍दाकाना मेन्‍दाका थेमे थेकी ङुरूङगी खाबाते काम थोङच्‍या ईन्‍दाकाना मेन्‍दाका सिन थे सेम ता मेङगो। परमेश्‍वर सेम ताबेकी खित्‍सादु थेकी रूल लै खाईन थोक च्‍युत्‍कीन थेबाला स्‍यिर च्‍युता ओतान।

हिब्रू 3:9

परमेश्‍वर बातलाराङ “ङे लो खाल ङिसाक खोपरोङला चुक लेमु खाईन तासुङा सिन छ्या ओत्‍कीन ओत्‍कीनोङ छ्या मास्‍येबा च्‍योकराङ खाईन थेबेकी याङ याङ ङे सेम ता चाल्‍सुङ।