मत्ती 4:23 - जिरेल23 थेमे येशू गालील अञ्चल नाङला गाङेपा युगीन थेङला ओताते मिटिङ खित्च्येते खाम्बे नाङला मिओनला स्वर्गे राज्यते गा लाङच्येते बात च्यि ईन्दे सिन लोप्कीन ख्याम्गीन ओतान। थेमे थरी थरीतेन्दे रोग लै खाबाते थेमे नाबाते मिओनला ठाक्पा खिन ओतान। အခန်းကိုကြည့်ပါ။ |
मत्ती 4:23
46 ပူးပေါင်းရင်းမြစ်များ
सोन देप्जीन कोई कोई लामला फाप्क्यो। लामला फाप्कीन छ्योज्युङमेकी तुकीन सोबाते सोन साबातेचेन स्वर्गे राज्य बात थोकान्तेबे नाङ थरीज्यीक मिला साबाते ईन। थोक्ते मितेचेन स्वर्गे राज्य बात ङेन्च्ये सेमराङ मेतेकी थे बात थोसीनोङ थे च्यि ईन्दे सिन लेमु खाला मोखोओ। थोक ईन्देकी मिला मेलेबा खित्कान्ते शैतानगी थेबेकी थोबाते बात होत्ताराङ टोक ज्येत ज्युत्क्यो।
ज्येन बात च्यि सासीन गोमाचेन मोशेकी टिबाते परमेश्वर नियम थेमे परमेश्वर बात खित्कान्तेबेकी साबाते बातकामा ओतान। बप्तिस्मा तेरकान्ते यूहन्ने पालोसाकराङ दि बातओनकामा मिओनला लोप्कीन ओतान। यूहन्ने पालोमेईचेन परमेश्वर राज्य गा लाङच्येते बात मिओनला लोपाला स्यूबाते ईन। थेमे थे राज्यदु लेमु ओङगो सिन गाङेराङ जबरजस्ती थेने स्यूक्पा छोल्गीदुक।
थेमे येशू थे खोरोङगी छाने खाबाते मेरा च्युन्ङीताङ बोमनेकी फाप्कीन दिङमाज्यीक्तु लेप्सुङ। थेत्ताङ ख्याम्कान्ते ज्येन चेलातेबाङ काल्बेई थे दिङमादु ओतान। थोकराङ खाईन ज्येन ज्येन ठाउँलेकी वाबाते मिङ आउदी काल्बेई ओतान। थेबाचेन यहूदिये अञ्चलपेकी, यरूशलेम सारनापेकी थेमे समुन्द्रे छेउकी नाङला ओताते सीदोनताङ टायर सिराते सारगी नाङपेकी वाबा ओतान।
यूहन्ने चेलाओनगी यूहन्नेकी ठिर ताङाते बात सानामेकी येशूकी थेबाला “ख्योकोनगी ङे खाबाते कामतेबा खेराङ मिगीराङ थोङा ओत। थेमे ङे लोप्कीन ओताते बात थोबा ओत। था ख्योकोनगी यूहन्ना ओत्सापा गाल्ला च्याला अन्धतेबा थोङा थुप्च्या गालाते, कुज्येतेबा ख्याम्बा थुप्च्या गालाते थेमे जे खोबाते मिओन ठाक्पाते खेराङगी थोङातेताङ थोबाते गाङे बात थेला सि। थोकराङ खाला ओन्बातेबा थोबा थुप्च्या गालाते, स्याप्ते मिओन सोम्बो लोक्पाते थेमे छ्याःङ मेताते मिओनला गा लाङच्येते बात लाप्कीन बिन्दाते बातओनोङ थेला सि।
ကြော်ငြာတွေ