मत्ती 4:21 - जिरेल

²¹ थेरूई टिक्‍पी फजेकपा गाल्‍नामेकी थेकी याङराङ ज्‍येन पुन ङिलाङ थोङसुङ। थेबा ङिबोचेन जब्‍दी फुज्‍युङ याकूबताङ यूहन्‍ना ओतान। थेबा ङिबो आबातेताङराङ डुङ्गे नाङ देत्‍ला ङ्या सेत्‍च्‍येते जाल तुने खिन ओतान। थेमे येशूकी थेबा पुन ङिबोलाङ थेत्ताङ ख्‍याम्‍बाला स्‍योक सिन काताङसुङ।

मत्ती 4:21 ပူးပေါင်းရင်းမြစ်များ

मत्ती 10:2

थोक खाईन थेकी खटे खाबाते मेन्‍दा च्‍युन्‍ङी नाङ दोक्‍पोईचेन शिमोन ओतान। थेला पत्रुस सिनोङ मिन ज्‍याक्‍पा ओतान। ज्‍येन मेरा च्‍युच्‍यीकचेन शिमोन आज्‍यो अन्‍द्रियास, जब्‍दी फुज्‍युङ ङिबो याकूबताङ थे न्‍वा यूहन्‍ना,

मत्ती 17:1

थेरूई ङीमा ठुक तिरी पत्रुस थेमे याकूबताङ थे न्‍वा यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान।

मत्ती 26:37

थोक खाला डोजीन थेकी पत्रुस थेमे जब्‍दी फुज्‍युङबा ङिबोलाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये पीरगी खित्‍सादु थेजीन थेते सेमोङ स्‍यिइन सिन्‍दा ओतान।

मत्ती 4:20

थेकी थोक सिरासात्तु थेबा ङिबो जालोङ थेङलाराङ ज्‍यागीन थेत्ताङ ख्‍याम्‍सुङ।

मत्ती 4:22

थेकी कातोङा थोकीन थेबा ङिबोङ जराक जुरूक लाकीन आबातेला डुङ्गादुराङ ताङगीन थेत्ताङ ख्‍याम्‍सुङ।

मर्कूस 3:17

थोकराङ खाईन थेबे नाङ जब्‍दी फुज्‍युङ याकूबताङ यूहन्‍नाङ ओतान। थेबा पुन ङिबोलाचेन येशूकी बोअनर्गेश सिन मिन्‍तोक ताबा ओतान। बोअनर्गेश साबाते नाम गुरूङ खाबा च्‍योकराङ थर्के खित्‍च्‍या खाला बात खित्‍कान्‍ते मिओन साबाते ईन।

मर्कूस 5:37

थेपा डोजीन येशूकी खालि पत्रुस थेमे याकूबताङ थे न्‍वा यूहन्‍नालाकामा ङ्योम्‍बु खेरसुङ।

यूहन्‍ना 21:2

थे छोमु थेरू शिमोन पत्रुस, दिदिमस सिराते थोमा, गालील अञ्‍चल कानापे नथानेल, जब्‍दी फुज्‍युङबा ङिबो थेमे ज्‍येन मेन्‍दा ङि येशू चेलाओन ङ्योम्‍बुराङ ओतान।

शक्ति काम 12:2

थेकी यूहन्‍ने आज्‍यो याकूबला जुम्‍गीन तरवारगी तुप्‍कीन सेत च्‍युत्‍सुङ।