मत्ती 4:19 - जिरेल

¹⁹ थेकी थेबाला “ए ख्‍योकोन ङिबो देपा स्‍योक, ङात्ताङ ख्‍योम। ङा ख्‍योकोनला ज्‍येनला परमेश्‍वर छ्य्‌वापा लै खित ज्‍युत्‍कान्‍ते मि जोइओ,” सिन काताङसुङ।

मत्ती 4:19 ပူးပေါင်းရင်းမြစ်များ

मत्ती 16:24

थेमे येशूकी चेलातेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

मत्ती 4:18

ङीमाई येशू गालील समुन्‍द्रे छेउकी नाङपा ख्‍याम्‍गीन ओतान। ख्‍याम्‍गीन डोजीन थेकी थेरू ङ्या सेत्‍कान्‍ते मेन्‍दा ङि मिला थोङसुङ। थेबाचेन शिमोनताङ थे आज्‍यो अन्‍द्रियास ओतान। शिमोनलाचेन तिरी पत्रुस सिनोङ सिन ओतान। थेबा पुन ङिबो ङ्या सेताला जाल देगीन ओतान।

मत्ती 4:20

थेकी थोक सिरासात्तु थेबा ङिबो जालोङ थेङलाराङ ज्‍यागीन थेत्ताङ ख्‍याम्‍सुङ।

मत्ती 8:22

थेकी “मेन मेन, खो थाल्‍लाराङ ङात्ताङ ख्‍योम। रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो,” सिन सिदुक।

मत्ती 9:9

थेमे येशू थेरूई ख्‍याम्‍सुङ। डुइन ओत्‍जीनराङ थेकी कर लिन्‍कान्‍ते मत्ती सिराते मिला थे खोरोङ अफिसदु देता ओताते थोङसुङ। थेमे थेकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई मत्ती खोक लाकीन येशूताङ ख्‍याम्‍सुङ।

मर्कूस 2:14

थेरूकी ख्‍याम्‍नामेकी डुइन डुइन थेकी कर लिन्‍कान्‍ते मिज्‍यीक अफिसदु देता ओता थोङसुङ। थेचेन अल्‍फयस फुज्‍युङ लेवी सिराते ओतान। येशूकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई लेवी खोक लाकीन थेत्ताङ ख्‍याम्‍सुङ।

लूका 5:27

दि तिरी येशू थेरूई ज्‍येननापा गाल्‍सुङ। डोजीन थेकी कर लिन्‍कान्‍ते लेवी सिराते मिला थे खोरोङ अफिसदु देता ओताते थोङसुङ। थेमे थेकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक।

लूका 9:59

ज्‍येन मिज्‍यीकलाचेन थेकी “लो खो ङात्ताङ ख्‍योम,” सिन सिदुक। थोक सिरजीन थेकी “प्रभु, ङा गोमा ङे आबे रो दिला ओङामीन। थेमे खोत्ताङ ड्वाप,” सिन सिदुक।

यूहन्‍ना 1:43

दि ङारो च्‍योक्‍ते येशूकी गालील अञ्‍चलपा डोच्‍ये टुङ्गो खासुङ। थेमे फिलिपला ठेत्‍कीन थेकी “ए फिलिप, खो देपा स्‍योक, ङात्ताङ ख्‍योम,” सिन सिदुक।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 21:22

थोक सिरजीन थेकी “थे था तिरी ङा ग्‍युरला ओङ ओङसाक सोन्‍लाराङ देत्‍स्‍यीत सिरच्‍येते ङे सेम ओत्‍सीनोङ दि बात खोल्‍ला च्‍यिला छ्या स्‍येबा फाप्‍सुङारो? खो ङात्ताङ ख्‍योम,” सिन सिदुक।

२ कोरिन्‍थी 12:16

ङे ख्‍योकोनला छ्याःङ नाङ साबा मेत सिन ख्‍योकोनला लेमुराङ खाला छ्या ओत। थोक ईन्‍सीनोङ ङे ख्‍योकोनला फार्रा फुर्रा जोकीन ङाराङ छ्य्‌वापा लै खित च्‍युत्‍सुङ सिन सिरकानोङ ओत्‍कीन ओत।