मत्ती 3:11 - जिरेल11 थेमे ङाचेन खालि खोपरोङ पापी दुका सिन छ्या स्येकीन परमेश्वर छ्य्वापा लै खाबाते मिओनला छ्युलाकामा लुक्ला बप्तिस्मा तेरग्यो। था ङे तिरी मिज्यीक ओङगो। थेचेन ङा भन्दा खापान खापान छ्ये ईन। सिइराङ सासीन ङानी थेते योक्पो ओङला काचाप खुरला थे तिरी ख्याम्बालाङ सोई मिक्किओ। थेकीचेन ख्योकोनला परमेश्वर आत्मा तेरच्येतेताङ मेला लुक्ला न्याय खित्च्येते काम ङिकाराङ खिओ। အခန်းကိုကြည့်ပါ။ |
मत्ती 3:11
29 ပူးပေါင်းရင်းမြစ်များ
होथे मिचेन बप्तिस्मा तेरकान्ते यूहन्नाराङ ओतान। री नाङला वाकीन थेकी मिओनला दोक सिन लोपाला स्यूसुङ। थेकी “मिवे, ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे छ्युला लुक्ला तेरच्येते बप्तिस्मा लोङ। दोक खानामेई परमेश्वरगी ख्योकोनगी खाबाते पाप माफ तेरग्यो,” सिन लोप्कीन ओतान।
थे परमेश्वर बात खित्कान्ते एलिया च्योकराङ ओङगो। एलियाताङ चुक्ते शक्ति ओताने होथे शक्ति थेत्ताङ ओङगो। प्रभु परमेश्वर दुरू ओङा भन्दा गोमा वाला थेकी दाक्पोन फुज्युङ फुमुताङ डिक्पा माथुपाते आबातेबाला लोक्ला थेबाताङ डिक ज्युत्क्यो। परमेश्वरगी साबाते मेङेन्कान्ते मिओनलाङ थोक खिन देता लेमु मेन सिन छ्या स्ये च्युत्ला परमेश्वरगी खि साबा साबा च्योकराङ खित ज्युत्क्यो। थेकी थोक खानामेई तिरी प्रभु परमेश्वर ओङे बेलाला मि गाङेराङ था परमेश्वर ओङगो सिन गुला देत्क्यो,” सिन सिदुक।
थे बात छ्या स्येकीन यूहन्नेकी “ङानी ख्रीष्ट मेन। थेनी थाका ओङगीन ओत। थेचेन ङा भन्दा खापान खापान छ्ये ईन। सिइराङ सासीन ङानी थे योक्पो ओङला काचाप टोल्ला तेरालाङ सोई मिक्किओ। ङा खालि ख्योकोनला छ्युलाकामा लुक्ला बप्तिस्मा तेरग्यो। थेकीचेन ख्योकोनला परमेश्वर आत्मा तेरच्येतेताङ मेला लुक्ला न्याय खित्च्येते काम ङिकाराङ खिओ।
परमेश्वरगी थे कामगी जिम्मा बिन्नामेई यूहन्ना यर्दन चाङबो फेरोला ठाउँ ठाउँला गाङेपा गाल्गीन परमेश्वर बात लोपाला स्यूसुङ। थेकी मिओनला “मिवे, ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे छ्युला लुक्ला तेरच्येते बप्तिस्मा लोङ। थोक खानामेई परमेश्वरगी ख्योकोनगी खाबाते पाप माफ तेरग्यो,” सिन लोप्कीन ओतान।
थोक सिरजीन थेकी “यूहन्नेकीनी खोपरोङ पापी दुका सिन छ्या स्येकीन परमेश्वर छ्य्वापा लै खाबाते मिओनला छ्युला लुगीन बप्तिस्मा बिन्दा ओतान। थोक खित्जीनराङ थेकी मिओनला ‘दि ङे बातकामा ङेन्ला मेङगो। ख्योकोनगी था ङे तिरी ओङगीन ओताते मिकी साबाते ङेन्ला थेला विश्वास खिता फाप्क्यो। थेचेन येशूराङ ईन,’ सिन साबा ओतान,” सिन सिदुक।
ङुरूङला पापकी सजायदुकी टाल्सुङ। थेकी थोक खाबाते ङुरूङगी थेकी खि साबा साबाच्योक खाबेकी खित्सादु मेन। ङुरूङला आउदी खाला ङिङज्ये खितेकी खित्सादुकामा थेकी थोक खाबाते ईन। थेकी ङुरूङला ठु खाईन चोके खाबाच्योक खाईन परमेश्वर आत्मे छ्य्वापेकी लोईन केर च्युताच्योक खाईन साम्बाते जुनी बिन्गीन खुदुक जोसुङ।
थेमे स्याराते मिओनलाङ ङा च्यि सिते सासीन ख्योकोनगी दाक्पोन भन्दा छ्येकी लाःपा कोताते ङेन। थेमे दि बातचेन ङा ख्योकोन गाङेला सिओ। च्यि सासीन ख्योकोन सुङगीङ ङा ङाराङ ईन सिराच्योक मिक्किता खाला बरू दोक्पोईकी ज्येनज्यीकला मान खि। परमेश्वर बातलाङ “ङा ङाराङ ईन सिराच्योक खित्कान्ते मिला परमेश्वरगी मनराङ परे मिक्किओ। छ्ये मिक्किकान्ते मिलाचेन थेकी दया खिओ,” सिन साबा ओत।
ကြော်ငြာတွေ