मत्ती 28:9 - जिरेल

⁹ थेबा थोक खाला लामला डुइन डुइनलाराङ येशूकी थेबाला ठेता खाईन “ख्‍योकोनला लेमु ओङस्‍यीत,” सिन सिदुक। थोक ओङजीन थेबेकीङ थेला मान खिन से खासुङ।

मत्ती 28:9 ပူးပေါင်းရင်းမြစ်များ

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 23:7

थेमे मि छ्वासा रूसाला युक्‍जीन मिओनगी खोपरोङला मान खिन नमस्‍ते सिरजीन थेबा आउदी गा खिदुक। मिओनगी खोपरोङला गुरू सिरजीन थेबा झन गा खिदुक।

मत्ती 28:10

थेरूई थेकी “ख्‍योकोन ज्‍यीबा माकेत। लो ग्‍युक, ङात्ताङ ख्‍याम्‍कान्‍ते न्‍वाओनला गालीलपा ग्‍युक्‍लो सिन सि। थेबेकी ङाला थेपाराङ ठेत्‍क्‍यो,” सिन थेबाला थेरूकीङ ताङसुङ।

मत्ती 28:17

थेरू लेप्‍नामेकी थेबेकी थेला ठेत्‍कीन खोबुकला देत्‍कीन थेला मान खासुङ। ईन्‍सीनोङ थेबा कोई कोईकीनी थे सोम्‍बो लोगीन थेरू वाबाते ईन्‍दा मेन्‍दा सिन शंकाङ खासुङ।

मत्ती 28:8

थेरू थोक ओङनामेई थेबा ङिबो ज्‍यीबा खिन तर येशू सोम्‍बो लोक्‍पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्‍सुङ।

लूका 1:28

थेमे मरियम दोन्‍दु लेप्‍कीन थे दूतकी “फुमो, प्रभु परमेश्‍वरगी खोल्‍ला लेमुज्‍यीक कामगी लाईदु छाने खाबा ओत। थेकी खोल्‍ला लेमु खाला तेइओ,” सिन सिदुक।

लूका 24:52

थे थोक खाला स्‍वर्गने डोजीन थेबेकी थेते जय जय खासुङ। थे तिरी थेबा आउदी खाला गा खिन यरूशलेमपाराङ ग्‍युरगीन गाल्‍सुङ।

लूका 7:38

थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

यूहन्‍ना 12:3

थेमे मरियमगीचेन माना खाङजो आउदी महँगोते स्‍यीम्‍बुज्‍यीक बास्‍ना चले खित्‍च्‍येते सक्‍कली जटामसी मोर्गु खुलाकीन येशू काम्‍बाला कुकीन बिन्‍सुङ। थेमे थे मोरोङ टेकीराङ काम्‍बा पिकीन बिन्‍सुङ। थे मोर्गु बास्‍नेकी खाम्‍बाराङ गाङे खाङसुङ।

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।