मत्ती 28:6 - जिरेल

⁶ थेनी दुरू मेत। थेनी थे खोरोङगी गोमा साबा च्‍योकराङ खाईन स्‍यिसादुकी सोम्‍बो लोक्‍पा ओत। लो तार स्‍योक। थे रो ज्‍याक्‍पाते ठाउँ दिराङ ईन।

मत्ती 28:6 ပူးပေါင်းရင်းမြစ်များ

मत्ती 12:40

च्‍यि सासीन योनाला समुन्‍द्रे ङ्या जोदाज्‍यीगी मीक ताङनामेई थे ङीमा सुमताङ ग्‍वामा सुमसाक ङ्ये सुबे नाङ देता फापा च्‍योकराङ परमेश्‍वर ओत्‍सादुई वाबाते मि ङाङ स्‍यिनामेई ङीमा सुमताङ ग्‍वामा सुमसाक सबी चावादु देता फाप्‍क्‍यो।

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 17:23

थेमे थेबेकी ङाला सेत्‍क्‍यो। तर ङीमा सुमगी छोमुचेन परमेश्‍वरगी ङाला सोम्‍बो लोइओ,” सिन सिदुक। दि बात थोनामेई चेलातेबा आउदी पीर खिताला स्‍यूसुङ।

मत्ती 17:9

थेमे थेबा बोमनेकी थुल्‍ला फाप्‍सुङ। थेनेकी ओङजीन थेकी थेबा सुमबोला “ख्‍योकोनगी आनाङ थोङाते अचम्‍बते बात परमेश्‍वर ओत्‍सादुई वाबाते मि ङाला परमेश्‍वरगी स्‍यिसादुकी सोम्‍बो मालोकथुपचेन सुङलाङ मालाःबा,” सिन कोत्‍सुङ।

मत्ती 20:19

लोक्‍ला ज्‍येन ज्‍येन जातकी मि लाःक्‍तु सोम्‍पे खिओ। थेमे थेबेकीचेन ङाला हेपे खाला ईन्‍दा मेन्‍दा सिओ, कोर्रा लै खिओ थेमे स्‍यिङगी थामला टाँए खाला सेत्‍क्‍योदोङ। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

मर्कूस 16:6

थेमे थे मिकी थे फेम्‍मे मिओनला “ख्‍योकोन छ्याःङ ज्‍यीबा माकेत। ख्‍योकोनचेन स्‍यिङगी थामला टाँए खाईन सेताते नासरतपे येशूला छोलाला दुरू वाबाते ईन सिन ङाला छ्या ओत। थेनी दुरू मेत। थे स्‍यिसादुकी सोम्‍बो लोक्‍पा ओत। लो तो, येशू रो ज्‍याक्‍पाते ठाउँ दिराङ ईन।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

लूका 24:12

ईन्‍सीनोङ थेबे नाङ पत्रुसचेन पालोई तारराङ ड्वा फाप्‍सुङ सिन येशू रो ज्‍याक्‍सापा ताप्‍ला छ्य्‌वासुङ। थेरू लेप्‍ला ज्‍यीला ताजीन थेकी खालि येशू रो ठीलाते खोलाककामा थोङसुङ। थे खोलाककामा थोङगीन थेरू च्‍यि ओङा ईन्‍ताका सिन छक्‍क परे खिन थे खाम्‍बापा ग्‍युरगीन लिच्‍युङ।

लूका 24:23

तर ज्‍याक्‍सादुनी थे रोराङ मिन्‍दुक्‍लो। थेबेकी थेरू परमेश्‍वर दूतओनला थोङसुङलो। थेमे थे दूतओनगी थे सोम्‍बो लोक्‍पा ओत सिन बात खासुङलो।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 10:17

ङा ङाराङ खुशीकी मिओन लाईदु ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते ईन्‍देकी आबेकी ङाला ङिङज्‍ये खिओ।

यूहन्‍ना 2:19

थोक सिरजीन थेकी “लो दि मन्‍दिर बराङ बुरूङ रोम। थेमे ङा ङीमा सुमलाराङ लोक्‍ला जस्‍तो तस्‍तो जोइओ,” सिन सिदुक।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।