मत्ती 28:10 - जिरेल

¹⁰ थेरूई थेकी “ख्‍योकोन ज्‍यीबा माकेत। लो ग्‍युक, ङात्ताङ ख्‍याम्‍कान्‍ते न्‍वाओनला गालीलपा ग्‍युक्‍लो सिन सि। थेबेकी ङाला थेपाराङ ठेत्‍क्‍यो,” सिन थेबाला थेरूकीङ ताङसुङ।

मत्ती 28:10 ပူးပေါင်းရင်းမြစ်များ

मत्ती 14:27

थेबा ज्‍यीबा खाबाते छ्या स्‍येकीन थेकी “ज्‍यीबा माकेत, ङाका ईन। छ्याःङ ज्‍यीबा खिता माफाबो,” सिन बात खासुङ।

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

मत्ती 25:45

थेमे थेकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु माक्‍याबाते ङालाराङ लेमु माक्‍याबाते ईन। होथोक्‍ते मि दोक्‍पोईलाकामा ईन्‍सीनोङ ख्‍योकोनगी लेमु माक्‍याबातेङ ङालाराङ लेमु माक्‍याबाते ईन,’ सिन सिओ।

मत्ती 26:32

थोक ईन्‍सीनोङ ख्‍योकोन ज्‍यीबा माकेत। ङा स्‍यिसादुकी सोम्‍बो लोक्‍नामेकी याङराङ ख्‍योकोनला ठेताला ख्‍योकोन भन्‍दाङ गोमा गालील अञ्‍चलपा डुइओ,” सिन सिदुक।

मत्ती 28:16

येशू स्‍यिसादुकी सोम्‍बो लोक्‍पाते बात थोकीन चेलातेबा च्‍युच्‍यीक गालील अञ्‍चलपा गाल्‍गीन थेकी ग्‍युक साबाते बोमज्‍यीकने जेसुङ।

मत्ती 28:5

तर परमेश्‍वर दूतकी थे फेम्‍मे मिओनलाचेन “ख्‍योकोन छ्याःङ ज्‍यीबा माकेत। स्‍यिङगी थामला टाँए खाईन सेताते येशूला छोलाला ख्‍योकोन दुरू वाबाते ईन सिन ङाला छ्या ओत। थेला दुरू माछोल,

मत्ती 28:7

था ख्‍योकोन दुरूकी होत्ता येशू चेलाओन ओत्‍सादु ग्‍युक। गाल्‍ला थेबाला येशू स्‍यिसादुकी सोम्‍बो लोक्‍तुक। थे ख्‍योकोन भन्‍दाङ गोमा गोमा गालीलपा डुइओत्‍लो। थेमे थेला ख्‍योकोनगी थेपाराङ ठेत्‍क्‍योत्‍लो सिन लोःप। लो ग्‍युक, ङे ख्‍योकोनला सिरा फाप्‍च्‍येते बात गाङे साबा ओत,” सिन थेबाला थेरूई ताङसुङ।

मत्ती 28:9

थेबा थोक खाला लामला डुइन डुइनलाराङ येशूकी थेबाला ठेता खाईन “ख्‍योकोनला लेमु ओङस्‍यीत,” सिन सिदुक। थोक ओङजीन थेबेकीङ थेला मान खिन से खासुङ।

मर्कूस 16:7

था ख्‍योकोन दुरूई येशू चेलाओन ओत्‍सापा ग्‍युक। गाल्‍ला थेबाला थेमे काल्‍बा च्‍योक्‍तेचेन पत्रुसला ख्‍योकोनगी च्‍यि सिसे सासीन येशूकी गोमाका खोपरोङला साबा च्‍योकराङ खाला थे थेबा भन्‍दा गोमा गोमा गालीलपा डुइओत्‍लो। थेमे थेबेकी थेला थेपाराङ ठेत्‍क्‍योत्‍लो सि,” सिन थेरूकी ताङसुङ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

यूहन्‍ना 6:20

थेबा थोक खाईन ज्‍यीबा खाबाते छ्या स्‍येकीन येशूकी “ङा ईन ङा, ज्‍यीबा माकेत,” सिन बात खासुङ।

रोमी 8:29

च्‍यि सासीन थेकी थेबाला थे खोरोङ फुज्‍युङ च्‍योकराङ लेमु ज्‍वाप सिन गोमामेई छाने खाबा ओतान। थे खोरोङ फुज्‍युङचेन छ्येते फुज्‍युङ च्‍योकराङ ओङला थेते न्‍वातेबा काल्‍बेई ओङस्‍यीत सिन परमेश्‍वरगी होथेबाला थोक खाईन छाने खाबा ओतान।