मत्ती 27:4 - जिरेल

⁴ थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

मत्ती 27:4 ပူးပေါင်းရင်းမြစ်များ

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

लूका 23:22

थोक खित्‍जीन पिलातसकी “ख्‍योकोन च्‍यिला दोक खाला छेरा खिते? दि मिकी च्‍यि मेलेबा काम खाला दुकारो? ङेनी दिला सेता फाप्‍च्‍येते दिकी छ्याःङ गल्‍ती खाबा माथोङसुङ। ङा दिला कोर्रा लै खित च्‍युत्‍ला तोङामीन,” सिन लोक्‍लाङ ल्‍वा चाल्‍सुङ।

लूका 23:41

दोक ईन्‍सीनोङ ङुरूङला दोक खाबातेनी ठीकराङ ओत। च्‍यिला सासीन दि सजाय ङेत्‍च्‍येते गल्‍ती ङुरूङगी खाबा ओत। तर दिकीनी छ्याःङ गल्‍ती खाबा मेत,” सिन ङारसुङ।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

यूहन्‍ना 19:7

थेमे थे यहूदीओनगी “दिकी दि खोरोङला परमेश्‍वर फुज्‍युङ ईन खिदुक। ङ्योकोनते नियमज्‍यीक ओत। थे नियम ताजीन थोक साबेकी खित्‍सादु दिला सेताराङ फाप्‍क्‍यो,” सिन सिदुक।

शक्ति काम 13:28

थेला सेता फाप्‍च्‍येते छ्याःङ गल्‍ती मेत्‍सीनोङ थेबेकी रोमी गेल्‍बो हाकिम पिलातस ओत्‍सादु गाल्‍गीन दिलाचेन सेताराङ फाप्‍क्‍यो सिन बात खाईन येशूला स्‍यिङगी थामला टाँए खाईन सेत च्‍युत्‍सुङ।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

१ तिमोथी 4:2

ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

१ पत्रुस 1:19

ख्रीष्‍ट थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ख्‍योकोन लाईदु थे मोल छ्योलाते ईन। ख्रीष्‍टनी परमेश्‍वरला पूजा खिताला सोई खित्‍च्‍येते छ्याःङ खुना खोटी मेताते लुई रीउ च्‍योकराङ ओतान।

१ यूहन्‍ना 3:12

ङुरूङगी कयिनगी खाबाच्‍योक खिता मेङगो। मिला मेलेबा खित्‍कान्‍ते शैतानताङ डिक्‍कान्‍ते ईन्‍देकी थेकी थे खोरोङ न्‍वालाराङ सेता ओतान। थेकी च्‍यिला न्‍वातेला सेता ओताने छ्या ओत? न्‍वाते च्‍योक खाला लेमुते कामताङ बात खित्‍कान्‍ते मि मेन्‍देकीराङ थेकी न्‍वातेला सेता ओतान।

छ्या स्‍ये च्‍युताते बात 11:10

थेबा ङिबो स्‍यिदुक सिन दि सा लुङबे मि गाङेराङ गा खिओ। थेमे दाक्‍पोन दाक्‍पोन नाङ भोज सोला केका तेररीङ खाला आउदी खुशी माने खिओ। च्‍यिला सासीन परमेश्‍वरगी सिर च्‍युताते बात खित्‍कान्‍ते थेबा ङिबोकी दि सा लुङबे मिओनला तेरासम्‍म दुक्‍पा बिन्‍दा ओतान।