मत्ती 27:24 - जिरेल

²⁴ थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:24 ပူးပေါင်းရင်းမြစ်များ

मत्ती 26:5

ठो खिन थेबेकी “दि चाडगी बेलाला ङुरूङगी थेला सेता मेङगो। चाडगी बेलाला थोक खासीन मिओनगी हूलदङ्गा खाओङ,” सिन सासुङ।

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:23

थोक सिरजीन पिलातसकी “ख्‍योकोन च्‍यिला दोक खाला छेरा खिते? दि मिकी च्‍यि मेलेबा काम खाला दुकारो?” सिन ल्‍वा चाल्‍सुङ। ईन्‍सीनोङ थे बातला नामज्‍योकराङ मेसेता खाईन थेबाबरी “थेला तोङा मेङगो, थेला स्‍यिङगी थामला टाँए खाला सेत,” सिनकामा झन मिता खाच्‍या खाला छेरा खिन फिराला स्‍यूसुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

मत्ती 27:9

थेबेकी थोक खानामेई परमेश्‍वर बात खित्‍कान्‍ते यर्मियेकी गोमाका दोक सिन टिबाते बात साबा च्‍योकराङ ओङसुङ। थेकी च्‍यि साबा ओताने सासीन “दि मि लाईदु पैसा थोई तेरा ठीक ईन्‍ताका सिन मोल खित्‍जीन इस्राएलीओनगी थेला चाँदी डबल खालज्‍यीकताङ च्‍युताम्‍बा मोले खाबा ओतान।

यूहन्‍ना 13:9

थेमे शिमोन पत्रुसकी “थोक ईन्‍सीन प्रभु, ङेते काम्‍बाकामा मेन, लाक्‍पाताङ गोःङ टुला नाङ,” सिन

यूहन्‍ना 19:4

पिलातसकी फिनामा वाकीन लोईन थेरू जम्‍मा ओङा ओताते यहूदीओनला “लो थे मिला ङा फिनामा ख्‍योकोन दोन्‍दुराङ खुलाङगो। थेला सजाय तेराला ङे थेते छ्याःङ गल्‍ती माथेप्‍तुक सिन ख्‍योकोनगी छ्या स्‍येबा खि,” सिन सिदुक।

शक्ति काम 3:14

थे साटोला ज्‍यानमाराज्‍यीकलाका थोङ सिन साबा ओतान। थोक खाईन ख्‍योकोनगीनी सेमला पाप सिराते छ्याःङ मेताते खालि परमेश्‍वरगी खि साबा साबा च्‍योककामा खित्‍कान्‍ते येशूला दिङ सु ईन्‍देरो सिराच्‍योकका खासुङ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।