मत्ती 27:22 - जिरेल

²² थोक खित्‍जीन पिलातसकी “थोक ईन्‍सीन दि ख्रीष्‍ट ईन साबाते येशूलाचेन च्‍यि खिसे ओना?” सिन सिरजीन थेबा गाङेकी “दिला सेता फाप्‍क्‍यो। दिला स्‍यिङगी थामला टाँए खाला सेत,” सिन झन कस्‍स्‍ये खाईन छेरा खासुङ।

मत्ती 27:22 ပူးပေါင်းရင်းမြစ်များ

मत्ती 1:16

थेमे याकूब फुज्‍युङ यूसुफ ओतान। यूसुफकी मरियमताङ फाङमा खाबा ओतान। मरियमचेन येशू आमा ईन। येशूचेन परमेश्‍वरगी दुरू तोङगो साबाते ख्रीष्‍ट ईन।

मत्ती 27:17

थोगी पिलातसकी थेरू जम्‍मा ओङगीन वाबाते मि गाङेला “लो ख्‍योकोनबरी थोलो सुला थोङ सिते? बारब्‍बाला थोङना दि ख्रीष्‍ट ईन साबाते येशूला थोङे?” सिन ठिसुङ।

मत्ती 27:21

थेमे पिलातसकी लोईन थेबाला “ख्‍योकोन दि मेन्‍दा ङि मि नाङ खाङला थोङ सिते?” सिन ठिजीन थेबा गाङेकी “बारब्‍बाला थोङ,” सिन छेरा खासुङ।

मत्ती 27:23

थोक सिरजीन पिलातसकी “ख्‍योकोन च्‍यिला दोक खाला छेरा खिते? दि मिकी च्‍यि मेलेबा काम खाला दुकारो?” सिन ल्‍वा चाल्‍सुङ। ईन्‍सीनोङ थे बातला नामज्‍योकराङ मेसेता खाईन थेबाबरी “थेला तोङा मेङगो, थेला स्‍यिङगी थामला टाँए खाला सेत,” सिनकामा झन मिता खाच्‍या खाला छेरा खिन फिराला स्‍यूसुङ।

मर्कूस 14:55

थेमे थेरू रूबाते छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मि गाङेकी थेला सेता फाप्‍च्‍येते थेते खइँदा गल्‍ती थेप्‍कीता सिन मि काल्‍बेईला साक्षी बके खित च्‍युत्‍सुङ। थोक खासीनोङ थेते छ्याःङ गल्‍ती देन्‍दा माथुप्‍सुङ।

यूहन्‍ना 4:25

थेमे थे फेम्‍मे मिकी “ङाला दि बात छ्या ओत। च्‍यि सासीन था ख्रीष्‍ट सिराते मसीह ओङगो। थे वानामेई थेकीराङ ङ्योकोनला दि गाङे बात लोप्‍क्‍यो,” सिन सिदुक।

शक्ति काम 13:28

थेला सेता फाप्‍च्‍येते छ्याःङ गल्‍ती मेत्‍सीनोङ थेबेकी रोमी गेल्‍बो हाकिम पिलातस ओत्‍सादु गाल्‍गीन दिलाचेन सेताराङ फाप्‍क्‍यो सिन बात खाईन येशूला स्‍यिङगी थामला टाँए खाईन सेत च्‍युत्‍सुङ।

शक्ति काम 13:38

बात दोक दोक ईन्‍देकी आज्‍यो न्‍वावे, येशूकी खित्‍सादुराङ खेराङ पाप माफ ओङगो सिन था ख्‍योकोन गाङेकी लेमु खाला छ्या स्‍येबा खि।