मत्ती 27:19 - जिरेल

¹⁹ थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:19 ပူးပေါင်းရင်းမြစ်များ

मत्ती 1:20

दोक विचार खिन खिनलाराङ ग्‍वामाई मिलामला थेकी प्रभु परमेश्‍वर दूतज्‍यीकला थे खादु वाबाते थोङसुङ। थेमे थे दूतकी थेला “ए दाऊद गेल्‍बो सन्‍तान यूसुफ, खो मरियमला खुलाङाला छ्याःङ ङोचा माकेत। मित्ताङ ङ्याल्‍गीन मेन्‍देकी परमेश्‍वर आत्‍मेकी खित्‍सादुका थेकी फुज्‍यीमा खुराते ईन।

मत्ती 2:19

तिरी हेरोद गेल्‍बो स्‍यिनामेकी यूसुफकी ग्‍वामाई मिलामला याङराङ प्रभु परमेश्‍वर दूतज्‍यीकला थोङसुङ।

मत्ती 2:22

तर यहूदिये अञ्‍चलदु हेरोद फुज्‍युङ अर्खिलाउस गेल्‍बो ओङला दुक सिरा थोकीन यूसुफ थे अञ्‍चलपा ड्वाप्‍ला ज्‍यीबा खासुङ। थेमे परमेश्‍वरगी थेला थेपा मान्‍डो सिन मिलामला सल्‍लाह बिन्‍सुङ। थे सल्‍लाह ङेन्‍गीन थे गालील अञ्‍चलपा गाल्‍गीन

मत्ती 27:18

काल्‍बा च्‍योक मि येशू छ्य्‌वापा लै खाबा थोङगीन छ्ये छ्ये मिकी स्‍येदाङगी थाराङ थेला थेरू खुलाबाते ईन सिन छ्या स्‍येकीन थेकी थोक साबा ओतान।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

लूका 23:41

दोक ईन्‍सीनोङ ङुरूङला दोक खाबातेनी ठीकराङ ओत। च्‍यिला सासीन दि सजाय ङेत्‍च्‍येते गल्‍ती ङुरूङगी खाबा ओत। तर दिकीनी छ्याःङ गल्‍ती खाबा मेत,” सिन ङारसुङ।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

यूहन्‍ना 19:13

थेबेकी दोक सानामेई थेकी येशूला फिनामा खुलाङ च्‍युत्‍कीन च्‍याकीन थे न्‍याय खित्‍कान्‍ते मि देत्‍च्‍येते ठाउँदु देत्‍सुङ। थे ठाउँचेन दोई छापे खाईन जोबा ओतान। हिब्रू बातला थे ठाउँला गब्‍बथा सिन ओतान।

शक्ति काम 12:21

मि गाङेताङ ठेता खित्‍च्‍येते दिनगी छोमु हेरोद गेल्‍बो गेल्‍बोकी खोन्‍च्‍येते दामी दामीते खोलाकताङ श्रीपेज खोन्‍गीन सिंहासन लाक्‍तु देत्‍सुङ। थेमे थेकी थेरू ओताते मि गाङे दोन्‍दु भाषण खिताला स्‍यूसुङ।

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 18:16

थेबाला ङारगीन थेरूई तेन्‍गीन ताङसुङ।

शक्ति काम 18:17

थेमे थे मि गाङेकी यहूदीओनते मिटिङ खित्‍च्‍येते खाम्‍बे छ्येते मि सोस्‍थेनेस सिरातेला अड्डे खादुराङ जुम्‍गीन दुसुङ। थोक खासीनोङ गल्‍लियोकीचेन छ्याःङ वास्‍ता माक्‍यासुङ।

शक्ति काम 25:10

थोक सिरजीन पावलगी “हजूर, ङा थाल्‍ला रोमी गेल्‍बो अड्डादु ओत। ङे दि अड्डादुराङ न्‍याय ङेता फाप्‍क्‍यो। यहूदीओन सुङलाङ ङे छ्याःङ मेलेबा खाबा मेत। दि बात हजूर खुई दाक थोङसुङ।

शक्ति काम 25:17

थेमे थेला दोषी ईन सिरकान्‍ते मिओन दुरू वानामेकी ङे ङारो च्‍योक्‍तेराङ अड्डादु गाल्‍गीन थेला काताङगीन छलफल खाबाप।

शक्ति काम 25:6

यरूशलेमदु ङीमा गुजो च्‍युताम्‍बाजो देत्‍कीन फेस्‍तस सिजरियापा ग्‍युरसुङ। थेपा ख्‍योल्‍गीन ङारो च्‍योक्‍तेराङ थेकी अड्डादु गाल्‍गीन पावलला थेरू काताङसुङ।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।