मत्ती 27:15 - जिरेल

¹⁵ थेमे बातज्‍यीक च्‍यि सासीन निस्‍तार चाडगी बेलाला लोई ठाङमा रोमी गेल्‍बो हाकिमगी जेलदुकी कैदीज्‍यीकला तोङच्‍ये चलन ओतान। मिओनगी सुला ताङला नाङ सिका थेकी होथेलाराङ तोङा फाप्‍कीन ओतान।

मत्ती 27:15 ပူးပေါင်းရင်းမြစ်များ

मत्ती 26:5

ठो खिन थेबेकी “दि चाडगी बेलाला ङुरूङगी थेला सेता मेङगो। चाडगी बेलाला थोक खासीन मिओनगी हूलदङ्गा खाओङ,” सिन सासुङ।

मत्ती 27:16

थे बेलाला थेरू बारब्‍बा सिराज्‍यीक आउदी ज्‍यीबा लाङच्‍या मेलेबा मि जेलदु ओतान।

लूका 23:16

ईन्‍सीनोङ ङा दिला कोर्रा लै खित च्‍युत्‍ला तोङामीन,” सिन सासुङ।

लूका 23:17

थेमे बातज्‍यीक च्‍यि सासीन जेलदु ज्‍याक्‍पाते मिज्‍यीकला लोई ठाङमा निस्‍तार चाडगी बेलाला तोङच्‍ये चलन ओतान। थोगी दि पालोङ पिलातसकी मिज्‍यीकला तोङा फाप्‍च्‍या ओतान।

लूका 23:18

थेमे पिलातसकी येशूला तोङच्‍ये बात खित्‍जीन थेरू ओताते मिबरीकी “नाइँ ओङराङ मेङगो। दिलानी सेताराङ फाप्‍क्‍यो। बरू जेलदुकी बारब्‍बाला थोङ,” सिनकामा छेरा खासुङ।

यूहन्‍ना 18:16

पत्रुसचेन फिनामा गोई खादुराङ लाकीन देत्‍सुङ। थेमे थे ज्‍येनते चेलेकी ग्‍युरगीन वाकीन गोदु पालो देत्‍कान्‍ते फेम्‍मे मिला साकीन थेलाङ नाङने खेरसुङ।

यूहन्‍ना 19:16

थोक थोक ओङनामेई पिलातसकी येशूला स्‍यिङगी थामला टाँए खाला सेताला थेबे लाःक्‍तुराङ सोम्‍पे खासुङ। थेमे थेला सेताला मिल्‍टेरीओनगी जिम्‍मा लासुङ।

शक्ति काम 24:27

थोक खिन खिनला लो ङि तिरी थे साटोला पोर्सिअस फेस्‍तस हाकिम ओङसुङ। यहूदीओनला खुशी ज्‍वाप्‍ला थे खोरोङ ड्वा बेलालाङ फेलिक्‍सकी पावलला जेलदुकी माताङसुङ।

शक्ति काम 25:9

थेकी दोक सासीनोङ यहूदीओनला खुशी ज्‍वाप्‍ला फेस्‍तसकी थेला “ङा खोल्‍ला यरूशलेमने खेरला खुई दोक दोक खाबाते ईन्‍दाकाना मेन्‍दाका ताला थेनेराङ खुई मुद्धा च्‍येत्‍ला तेरग्‍यो, ओङगीताना मेङते?” सिन सिदुक।