मत्ती 26:64 - जिरेल

⁶⁴ थेमे येशूकी “ईन, ङा खुई साबाच्‍योक थेराङ ईन। था ङा ख्‍योकोन गाङेला च्‍यि सिते सासीन थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मत्ती 26:64 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 22:44

च्‍यिला सासीन दाऊद खोरोङगीराङ दोक सिन साबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

मत्ती 24:30

थेमे थे बेलाला नामने ताजीन परमेश्‍वर ओत्‍सादुई वाबाते मि ङा ओङा खाबाते थोङगो। थे छोमु ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे लाक्‍तु देत्‍ला स्‍वर्गनेकी देमा ओङा थोङला था सजाय ङेत्‍क्‍यो सिन ज्‍यीबेकी लुङबा लुङबे मि गाङेराङ झ्‍याउँ झ्‍याउँ ङुइओ।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मत्ती 26:25

थोक सानामेई थेला धोका तेरकान्‍ते यहूदा इस्‍करियोतकीङ “गुरू, खोल्‍ला थोक खित्‍कान्‍ते ना ङा ईन्‍दे,” सिन ठिजीन थेकी “खुई खोरोङगीराङ ईन सिन लाःप्‍सुङ,” सिन सिदुक।

मत्ती 27:11

थेमे येशूला थे खोरोङ दोन्‍दु क्‍याल्‍नामेकी रोमी गेल्‍बो हाकिम पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। ठिजीन थेकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

मर्कूस 14:62

थेमे येशूकी “ईन, ङा थेराङ ईन। थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

लूका 21:27

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

लूका 22:69

ङा ख्‍योकोनला च्‍यि सिते सासीन थानामेकीचेन परमेश्‍वर ओत्‍सादुई वाबाते मि ङा छ्येज्‍यीक शक्ति ओताते परमेश्‍वर सामे छ्य्‌वापा देत्‍क्‍यो,” सिन सिदुक।

लूका 22:70

थोक सिरजीन थेबा गाङेकी “थोक ईन्‍सीन च्‍यि खो परमेश्‍वर फुज्‍युङ ईन ओना?” सिन सिरजीन थेकी “ङा थेराङ ईन सिन ख्‍योकोनगीराङ सिदुक,” सिन सिदुक।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

रोमी 14:10

बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

१ थिस्‍सलोनिकी 4:16

थे छोमु चुक ओङगीते सासीन प्रभु येशूकी लो था बेला लेप्‍सुङ सिन गाङेकी थोच्‍या खाला सिराईताङ, परमेश्‍वर छ्येते दूतकी गाङेकी थोच्‍या खाला बात खिताईताङ थेमे परमेश्‍वर बिकुल फुबाते ङोरो थोबाईताङराङ प्रभु येशू स्‍वर्गनेकी ग्‍युरला ओङगो। थे ग्‍युरगीन वानामेई ख्रीष्‍टला विश्‍वास खित्‍कान्‍ते गोमाका स्‍याप्‍ते मिओन स्‍यिसादुकी सोम्‍बो लोइओ।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।