मत्ती 26:45 - जिरेल

⁴⁵ थेमे चेलातेबा ओत्‍सादु ग्‍युरला ओङजीन थोरूमोङ थेबा सुमबो ङ्याल्‍गीनराङ देता ओता थोङगीन थेकी “च्‍यि ख्‍योकोन थोरूमोङ ङ्याल्‍गीनराङ देता ओत? लो थाचेन ख्‍योकोन ङ्याल्‍ला देत्‍सीनोङ देत। थानी ङेते दुक्‍पे बेलाङ लेपा खासुङ। था परमेश्‍वर ओत्‍सादुई वाबाते मि ङा पापीओन लाःक्‍तु फाप्‍कीन सिन्‍सुङ।

मत्ती 26:45 ပူးပေါင်းရင်းမြစ်များ

मत्ती 26:18

थेमे थेकी चेलातेबाला खापा ड्वा फाप्‍कीते सिन मिज्‍यीगी मिन लाःप्‍कीन “लो ख्‍योकोन दुरूकी सारनापा ङे थाल्‍ला साबाते मि खाम्‍बापा ग्‍युक। गाल्‍ला थेला ङ्योकोन गुरूते था दुरू देत्‍च्‍येते समय काल्‍बा मेत्‍लो। थोगी थेकी ङ्योकोनताङ खुई खाम्‍बादुराङ दि चाडगी भोज साच्‍यालो सि,” सिन थेरूकी ताङसुङ।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मत्ती 26:44

याङराङ थे थेरूकी ग्‍युरगीन गाल्‍गीन तिरी बाजिला खाबाते प्रार्थनाराङ खासुङ।

मत्ती 26:46

लो ल्‍वा, था डुइ। उ थोङसुङ? ङाला धोका तेरकान्‍ते मि देपा ओङगीनराङ दुक,” सिन सिदुक।

मर्कूस 14:35

थे खोरोङचेन टिक्‍पी फजेकपा गाल्‍गीन खोबुकला देत्‍कीन था थे खोरोङला ओङा खाबाते दुक्‍पा भोगे खिता माफाप्‍सीन ओङच्‍या ओतान सिन परमेश्‍वरला प्रार्थना खिताला स्‍यूसुङ।

लूका 22:53

ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देता ओतान। थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ। थाचेन ख्‍योकोनते ङाला जुम्‍ला दुक्‍पा तेरच्‍येते बेला लेप्‍सुङ। च्‍यिला सासीन मुन्‍दाक राज्‍य गेल्‍बो शैतानगी थे खोरोङते ओतातेबरी शक्ति चले खित्‍च्‍येते बेला दिराङ ईन,” सिन सिदुक।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 12:27

थाल्‍ला ङाला आउदी पीर लाला दुक। थेमे च्‍यि ङे ‘आबा, ङाला दोक दुक्‍पा ओङ माज्‍युत,’ सिन सिरच्‍या? अहँ, मेन। दोक खाला दुक्‍पा भोगे खितालाराङ ङा दुरू वाबाते ईन।

यूहन्‍ना 13:1

निस्‍तार चाड लेपा लेपा खाबा ओतान। था थे खोरोङ दि सा लुङबादुकी आबाते ओत्‍साने ग्‍युरला डोच्‍येते बेला लेपा खासुङ सिन येशूकी छ्या स्‍येबा ओतान। थेकी थे खोरोङगी ङिङज्‍ये खाबाते दुरू ओताते थे खोरोङ मिओनला थोई ङिङज्‍ये खिते सिन तेन्‍ला तेरा थुपासम्‍म तेन्‍गीन बिन्‍सुङ।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।