मत्ती 26:39 - जिरेल

³⁹ थेमे खोबुकला देत्‍कीन “आबा, थुप थुपला दि ओङा खाबाते दुक्‍पा ङे भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

मत्ती 26:39 ပူးပေါင်းရင်းမြစ်များ

मत्ती 20:22

थोक सिरजीन येशूकी थेबा पुन ङिबोला “ख्‍योकोनचेन स्‍वर्गे राज्‍यने मान ङेत्‍ला देता छोल्‍गीदुक। थेने छ्ये ओङला देत्‍च्‍येते चुक ईन्‍दे सिन ख्‍योकोनला छ्या मिन्‍दुक। च्‍यि ङे भोगे खिता फाप्‍च्‍येते दुक्‍पा ख्‍योकोनगीङ भोगे खिता थुप्‍क्‍यो?” सिन सिरजीन थेबेकी “थुप्‍क्‍यो,” सिन सिदुक।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 26:42

थेमे थे याङराङ गाल्‍गीन “आबा, ङे दि दुक्‍पा भोगे माक्‍याबाला ओङराङ मेङगो सासीन खुई साबा च्‍योकराङ ओङस्‍यीत,” सिन प्रार्थना खासुङ।

मर्कूस 13:22

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

लूका 17:16

थेमे धन्‍यवाद सिनकामा येशू काम्‍बाला से खासुङ। थे मिचेन सामरी ओतान।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 14:31

ङे आबाला ङिङज्‍ये खित्‍च्‍याक्‍वा थेमे थेकी खि साबा साबाकामा खित्‍च्‍याक्‍वा सिन दि सा लुङबे मिओनगी छ्या स्‍येबाराङ फाप्‍क्‍यो। लो ल्‍वा, था ङुरूङ दुरूकी डुइ,” सिन सिदुक।

यूहन्‍ना 18:11

थेमे येशूकी पत्रुसला “खो दोक खाला तरवार चले माकेत, थे खोलगी नाङ स्‍योक। च्‍यि ङे आबेकी ङाला भोगे खि साबाते दुक्‍पा खपे खिता माफाबो?” सिन सिदुक।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

यूहन्‍ना 5:30

ङा ङाराङगीकामा छ्याःङ खिता मुथुबो। मिओन न्‍याय खित्‍जीन ङा आबेकी ङाराङला खि साबा साबाच्‍योक खालाकामा खिओ। ङा लेमु खाला न्‍याय खिओ। च्‍यिला सासीन ङाराङला खिता सेम लाबाच्‍योक खाला मेन्‍देकी ङाराङला दुरू तोङकान्‍तेला खुशी ज्‍वाप्‍ला ङा दोक खाला काम खिओ।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

शक्ति काम 10:25

पत्रुस थेरू लेप्‍कीन खाम्‍बे नाङ स्‍यू मास्‍यूबालाराङ कर्नेलियसकी वाकीन थेला आउदी मान खिन काम्‍बाला से खासुङ।

फिलिप्‍पी 2:8

थे ज्‍येन मि च्‍योकराङ ओङगीन देता ओतान। परमेश्‍वरगी साबा साबा ङेन्‍गीनराङ देत्‍कीन स्‍या फाप्‍जीनोङ थेकी नाइँ साबा मेतान। थोरूम थेलानी मिओनगी स्‍यिङगी थामलाका टाँए खाईन सेता ओतान।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।