मत्ती 26:35 - जिरेल35 थोक सिरजीन झन फिरगीनकामा थेकी “मेन मेन गुरू, ङा खोत्ताङ स्यापराङ फाप्सीनोङ खोल्ला ङो मेस्येओ सिनचेन नोमुङ मिसिरो,” सिन सिदुक। ज्येन चेलातेबेकीङ गाङेकी पत्रुसकी साबा च्योकराङ सासुङ। အခန်းကိုကြည့်ပါ။ |
मत्ती 26:35
10 ပူးပေါင်းရင်းမြစ်များ
ईन्दानी ईन। तर दि बात टोक माज्येत। च्यि सासीन परमेश्वरगी खोपरोङला येशू ख्रीष्ट छ्य्वापेकी लेमु खिओ सिन पत्ते माक्याबेकी थेकी थेबाला थोक खाईन ताङाते ईन। थेमे ख्योकोनगीचेन थे बात पत्ते खाईन थेला विश्वास खिन देतेकी खित्सादुकामा थेबे साटोला थेकी ख्योकोनला थे खोरोङ मि ईन सिरच्येते ईन। थोगी छ्ये मिक्किता खाला बरू ख्योकोन ज्यीबाका खाला देत।
ङिङज्येते आज्यो न्वावे, थातासाक ख्योकोनगी ङे लाःपा कोता च्योकराङ खिन वाबा ओत। ङा ङ्योम्बु ओत्जीन खाबा च्योकराङ खाला ङ्योम्बु मेदेत्जीनोङ ङे लाःपा कोताते झन लेमु खाला ङेन्गीन देत। चुक सासीन खेराङ पापदुकी टालाते मि ईन सिराला ख्योकोनगी काम बात जे खासीनोङ परमेश्वरला मन परे मिक्किच्येते छ्याःङ खिता मेङगो सिन ज्यीबा खिन थेला मान खाला लेमुते कामताङ बातकामा खिन देत।
थेमे परमेश्वरताङ प्रार्थना खित्जीन ख्योकोन थेला आबा सिन सिओ। थेकी सुङलाङ काका पाका मिक्किता खाला सुई चुक खाला दुका थे ताला न्याय खिओ। थोगी खेराङ दुरू मि लुङबे मि च्योकराङ ईन सिन सम्झे खाला सोन्ला देत देतसाकराङ ख्योकोनगी परमेश्वरला मन परे मिक्किच्येते छ्याःङ खिता मेङगो सिन ज्यीबा खिन लेमु खिन देत।
ကြော်ငြာတွေ